வெஜ் பிரியாணி ஆர்டர் செய்தவருக்கு சிக்கன் எலும்பு! ஒரே கடை மீது குவியும் புகார்!

ஹைதராபாத் : பிரபல உணவு டெலிவரி நிறுவனமான ஸ்விக்கி மூலம், ஆர்டர் செய்த பிரியாணியால் குறைபாடு இருப்பதாக சமூக வளைதளமான X தள பக்கத்தில், இரண்டு தனித்தனி வாடிக்கையாளர் தங்களது புகாரை அளித்துள்ளனர்.

அதாவத, ஹைதராபாத்தில் உள்ள பிரபல உணவகமான மெஹ்ஃபிலில் இருந்து ஆர்டர் செய்யப்பட்ட பன்னீர் பிரியாணியில் சிக்கன் எலும்பு இருப்பதை அவினாஷ் என்ற பயனர் குற்றம் சாட்டியுள்ளார்.

முன்னதாக, இதே மாதிரியான வேறொரு புகாரை சாய் தேஜா என்பவர் அளித்திருந்தார். அதே உணவாகமான மெஹ்ஃபில் கடையிலிருந்து ஆர்டர் செய்த சிக்கன் பிரியாணியில் புழு இருப்பதை கண்டு அதிர்ச்சிக்குள்ளாகினார். பின்னர், அந்த சிக்கன் பிரியாணியில் இருக்கும் ஒரு கறி துண்டில் புழு கிடப்பதை சாய் தேஜா புகைப்படங்கள் பகிருந்தார்.

Same issue I have ordered a Paneer Biryani in mehfil, Nizampet Kukatpally I got a bone in it. pic.twitter.com/2YbteDdrNF

— AVINASH (@Avinashtime) June 24, 2024

இதனையடுத்து, ஸ்விகியில் ஆர்டர் செய்த அந்த சிக்கன் பிரியாணிக்காக தான் ரூ.318 அவர் கொடுத்ததாகவும், இதனை குறித்து ஸ்விகியிடம் தெரிவித்த போதிலும் அவருக்கு ரூ.64 மட்டுமே திருப்பிக் கொடுக்கப்பட்டதாகவும் கூறி இருக்கிறார். இந்த சம்பவமானது கடந்த சனிக்கிழமை அன்று நடந்துள்ளது.

அந்த புகாரை தொடர்ந்து அவினாஷ், சாய் தேஜாவின் புகாரில் தனது புகாரையும் இணைத்துக்கொண்டார். அவினாஷுக்கு பதிலளித்த பதிலளித்த ஸ்விகியின் பராமரிப்பு நிர்வாகி ஒருவர், “வணக்கம், உங்கள் சைவ ஆர்டரில் அசைவப் பொருளைப் பெற்றுள்ளதைக் கேட்டு நாங்கள் மிகவும் வருந்துகிறோம். தயவுசெய்து ஆர்டர் ஐடியைப் பகிரவும், அதனால் நாங்கள் விவரங்களைப் பெறலாம், உங்களுக்கு சிறப்பாக உதவ முடியும்.” என்று குறிப்பிட்டுள்ளது.

@Avinashtime Hi there, we’re very sorry to hear you received a non-veg item in your vegetarian order. Please share the order ID so we may to pull up the details and assist you better.

^Vivek

— Swiggy Cares (@SwiggyCares) June 24, 2024

இது போன்ற பிரபலமான கடையில் இருந்து ஆர்டர் செய்த உணவில் இது போன்ற சர்ச்சைக்குரிய விஷயங்களை கண்டு மக்கள் சற்று அதிரிச்சியில் இருந்து வருகின்றனர்.