நகமும், சதையும் போல ஓ.பி.எஸ்., இ.பி.எஸ். ஒற்றுமையாக உள்ளனர் – பொன்னையன் பேட்டி

அதிமுகவின் மூத்த தலைவர் பொன்னையன் அவர்கள் ஓபிஎஸ் இபிஎஸ் இருவரும், நகமும் சதையும் போல ஒற்றுமையாக உள்ளனர் என பேட்டி. 

சென்னை ராயப்பேட்டையில் உள்ள அதிமுக தலைமை அலுவலகத்தில் கட்சியின் மூத்த நிர்வாகிகள் ஆலோசனையில்நடைபெற்றது. இக்கூட்டத்தில், அதிமுக பொதுக்குழு, செயற்குழு கூட்டத்தில் நிறைவேற்றப்பட உள்ள தீர்மானங்கள் பற்றி ஆலோசித்தாக கூறப்படுகிறது. சிவி சண்முகம் எம்பி, வகைச்செல்வன், வளர்மதி, செம்மலை உள்ளிட்டோர் ஆலோசனையில் பங்கேற்றுள்ளனர். மேலும், ஆர்பி உதயகுமார், பொன்னையன் உள்ளிட்ட தீர்மானக்குழு ஆலோசனையில்கலந்து கொண்டுள்ளனர்.

இந்த நிலையில், சென்னையில் ராயப்பேட்டையில் செய்தியாளர்களுக்கு பேட்டியளித்த அதிமுகவின் மூத்த தலைவர் பொன்னையன் அவர்கள் ஓபிஎஸ் இபிஎஸ் இருவரும், நகமும் சதையும் போல ஒற்றுமையாக உள்ளனர். ஒற்றுமை பற்றி கட்சிதான் முடிவெடுக்கும். கட்சியின் நிலைப்பாடு தான் என்னுடைய நிலைப்பாடு எனவே அதிமுகவில் எந்த பிளவும் இல்லை என்று கருத்து தெரிவித்துள்ளார்.