#BREAKING : பல நீர்நிலைகள் அழிந்து விட்டன..! இனியும் நீர் நிலைகள் அழிக்கப்படுவதை ஏற்க முடியாது – தலைமை நீதிபதி

by லீனாPosted on July 30, 2021

பல்வேறு நீர்நிலைகள் அழிக்கப்பட்டுவிட்டன. இனியும் நீர்நிலைகள் அழிக்கப்படுவதை ஏற்கமுடியாது என உயர்நீதிமன்ற கிளை தெரிவித்துள்ளது.

மதுரை மாட்டுத்தாவணி பேருந்து நிலையம் எதிரே, புதுக்குளம் கண்மாயில் மின்மயானம் அமைப்படுவதை எதிர்த்து , உயர்நீதிமன்ற மதுரை கிளையில் வழக்கு தொடரப்பட்டது.

இந்த வழக்கு உயர்நீதிமன்ற தலைமை நீதிபதி அமர்வில் விசாரணைக்கு வந்தது. அப்போது இது தொடர்பாக கருத்து தெரிவித்த நீதிபதி பல்வேறு நீர்நிலைகள் அழிக்கப்பட்டுவிட்டன. இனியும் நீர்நிலைகள் அழிக்கப்படுவதை ஏற்கமுடியாது என தெரிவித்துள்ளார். மேலும், இது தொடர்பாக, மதுரை மாவட்ட ஆட்சியர் மாநகராட்சி ஆணையர் விரிவாக பதிலளிக்க உத்தரவு பிறப்பிக்கப்பட்டுள்ளது.