நயன்தாராவின் அடுத்த திரைப்படம் ஓடிடியில் வெளியீடு..!

நயன்தாரா நடிப்பில் உருவான “நெற்றிக்கண்” திரைப்படம் நேரடியாக ஹாட்ஸ்டார் ஓடிடி தளத்தில் இந்த மாதம் வெளியாகவுள்ளது.

நடிகை நயன்தாரா நடிப்பில் கடந்த ஆண்டு ஓடிடி தளத்தில் வெளியான திரைப்படம் மூக்குத்தி அம்மன். இந்த திரைப்படம் ரசிகர்களுக்கு மத்தியில், பலத்த வரவேற்பை பெற்றது. இந்த திரைப்படத்தை தொடர்ந்து அடுத்ததாக நடிகை நயன்தாரா, அண்ணாத்த, நெற்றிக்கண், காத்து வாக்குல இரண்டு காதல் போன்ற பல திரைப்படங்களில் நடித்துள்ளார்.

இதில் நெற்றிக்கண் படத்தை விக்னேஷ் சிவன் தயாரிக்க மிலிந்த் ராவ் இயக்குகிறார். இவர் 2017ஆம் ஆண்டு வெளியான அவள் படத்தை இயக்கியவர் என்பது குறிப்பிடத்தக்கது. இந்த திரைப்படத்தில் நடிகை நயன்தாரா பார்வையற்ற பெண்ணாக நடித்துள்ளார்.

இந்நிலையில், நெற்றிக்கண் திரைப்படம் நேரடியாக ஹாட்ஸ்டார் ஓடிடி தளத்தில்  வெளியாகவுள்ளது. இதனை ஹாட்ஸ்டார் ஓடிடி தளம் தனது ட்வீட்டர் பக்கத்தில் அறிவித்துள்ளது.

இதோ ஒரு உற்சாகமான அறிவிப்பு! விரைவில் எங்கள் அடுத்த #DisneyPlusHotstarMultiplex மூவி! லேடி சூப்பர்ஸ்டார் நயன்தாராவின் சுட்டெரிக்கும் நெற்றிக்கண்! #Netrikann #ComingSoon #Nayanthara @VigneshShivN @Milind_Rau @ggirishh @sidsriram pic.twitter.com/zQI8Wajp0p

— Disney+ Hotstar (@DisneyPlusHS) July 21, 2021