கள நிலவரத்துக்கு ஏற்பவே சலூன்களை திறக்க முடியும் – தமிழக அரசு

by பாலா கலியமூர்த்திPosted on May 28, 2020

கள நிலவரத்துக்கேற்ப சென்னையில் சலூன்களை திறக்க அனுமதிக்க முடியும் என்று உயர்நீதிமன்றத்தில் தமிழக அரசு பதில்.

தமிழக முழுவதும் சலூன்களை திறக்கக் கோரி முடித்திருத்துவோர் சங்கம் சார்பில் சென்னை உயர் நீதிமன்றத்தில் வழக்கு தொடுத்தனர். இந்த வழக்கு இன்று விசாரணையின் போது கள நிலவரத்துக்கேற்ப சென்னையில் சலூன்களை திறக்க அனுமதிக்க முடியும் என்று உயர்நீதிமன்றத்தில் தமிழக அரசு பதில் தெரிவித்துள்ளது.

மேலும், சென்னையை தவிர்த்து பிற இடங்களில் சலூன்களை திறக்க ஏற்கனவே அனுமதி அளிக்கப்பட்டுள்ளது என்று தமிழக அரசு குறிப்பிட்டுள்ளது. சென்னையில் சலூன் கடைகளை திறக்க கோரி தொடரப்பட்ட வழக்கை ஜூன் 8க்கு ஒத்திவைத்தது உயர் நீதிமன்றம்.