ஐதராபாத்தில் ரஜினியை நேரில் சந்தித்த பி.வி.சிந்து.!

• சிவா இயக்கத்தில் ரஜினி தனது 168-வது திரைப்படத்தில் நடித்து வருகிறார்.முதற்கட்ட ஷூட்டிங் ஹைதராபாத் ராமோஜிராவ் ஃபிலிம் சிட்டியில் நடைபெற்று வருகிறது.
• அப்போது பாட்மிண்டன் வீராங்கனை பி.வி.சிந்து ரஜினிகாந்தை நேரில் சந்தித்து வாழ்த்து பெற்றார். 

நடிகர் ரஜினிகாந்த் நடிப்பில் , இயக்குனர் ஏ.ஆர். முருகதாஸ் இயக்கத்தில் உருவாகி உள்ள திரைப்படம் “தார்பார்”.இப்படத்தின் ட்ரைலர் சமீபத்தில் வெளியாகி ரசிகர்கள் மத்தியில் அதிக வரவேற்புபெற்றது.

இப்படம் வருகின்ற பொங்கலுக்கு வெளியாக உள்ளது. இதை தொடர்ந்து  ரஜினிகாந்த் அடுத்ததாக நடிக்கவுள்ள திரைப்படத்தை சிறுத்தை சிவா இயக்கவுள்ளதாக  அதிகாரப்பூர்வமாக அறிவிக்கப்பட்டது.

இந்நிலையில் சிவா இயக்கத்தில் ரஜினி தனது 168-வது திரைப்படத்தில் நடித்து வருகிறார். இப்படத்திற்கு டி.இமான் இசையமைக்கிறார். இப்படத்தில் குஷ்பு, மீனா, கீர்த்தி சுரேஷ், பிரகாஷ் ராஜ், சூரி உள்ளிட்ட முக்கிய நடிகர்கள் நடிப்பதாக இருப்பதாக தயாரிப்பு நிறுவனமான சன் பிக்சர்ஸ் கூறியது.

கடந்த 11-ம் தேதி இந்த படத்துக்கான பூஜை போடப்பட்டது. இதைத்தொடர்ந்து முதற்கட்ட ஷூட்டிங் ஹைதராபாத் ராமோஜிராவ் ஃபிலிம் சிட்டியில் தொடங்கப்பட்டுள்ளது. இந்நிலையில் ஐதராபாத்தில் படப்பிடிப்பு நடைபெறுவதால் ரஜினிகாந்த் அங்கு தங்கி உள்ளார். இதையடுத்து  பாட்மிண்டன் வீராங்கனை பி.வி.சிந்து  ரஜினிகாந்தை நேரில் சந்தித்து வாழ்த்து பெற்றார். அந்த புகைப்படம் தற்போது சமூகவலைத்தளங்களில் வைரலாகி வருகிறது.