அரசுப்பள்ளி மாணவர்களுக்கு இந்த கல்வி ஆண்டு முதல் புதிய சீருடை

by SulaiPosted on May 20, 2019

தமிழகத்தில் அரசு பள்ளிகளில் படிக்கும் மாணவ மாணவிகளுக்கு புதிய வண்ணத்திலான சீருடையை அரசு இன்று அறிமுகம் செய்துள்ளது.

இந்த கல்வி ஆண்டில் 1-ம் வகுப்பு முதல் 5-ம் வகுப்பு வரையிலான மாணவ, மாணவிகளுக்கு கரும் பச்சை நிற கால் சட்டையும்,இளம் பச்சை நிற கோடிட்ட மேல் சட்டையும் அறிமுகப்படுத்தப்படுகிறது .

அதே போல், 6-ம் வகுப்பு முதல் 8-ம் வகுப்பு வரையிலான மாணவ,மாணவிகளுக்கு சந்தன நிற கால் சட்டையும்,சந்தன நிற கோடிட்ட மேல் சட்டையும் மாணவியருக்கு கூடுதலாக சந்தன நிற கோட் அறிமுகப்படுத்தப்பட்டுள்ளது .

ஏற்கனவே, கடந்த கல்வி ஆண்டில் 9ம் வகுப்பு முதல் 12ம் வகுப்பு வரையிலான மாணவ,மாணவிகளுக்கு புதிய சீருடையை அறிமுகம் செய்தது குறிப்பிடத்தக்கது.