கடந்த 11-ஆம் தேதி பதவியேற்காத எம்எல்ஏக்கள் 9 பேர் இன்று பதவியேற்றுக் கொண்டனர்.
தமிழகத்தில் இதுவரை பதவி ஏற்காத 10 புதிய எம்எல்ஏக்களின் 9 பேர் இன்று பதவி ஏற்றனர். தலைமைச் செயலகத்தில் உள்ள சபாநாயகர் அறையில் 9 பேருக்கு சபாநாயகர் அப்பாவு பதவிப் பிரமாணம் செய்து வைத்தார். தமிழகத்தில் இதுவரை திமுக சார்பில் 6, அதிமுக சார்பில் 4 எம்எல்ஏக்கள் பதவியேற்காமல் இருந்த நிலையில், இன்று 9 புதிய எம்எல்ஏக்கள் பதவியேற்று கொண்டனர்.
திமுக சார்பில் சிவசங்கர், மதிவேந்தன், காந்திராஜன், வரலட்சுமி, வெங்கடாசலம் ஆகியோரும், அதிமுக சார்பில் வைத்திலிங்கம், சி.விஜயபாஸ்கர், கடம்பூர் ராஜூ, இசக்கி சுப்பையா ஆகியோர் பதவியேற்றுக்கொண்டனர். திமுக எம்.எல்.ஏ. சண்முகையா மட்டும் பதவியேற்கவில்லை. புதிய எம்எல்ஏக்கள் 9 பேர் பதவியேற்பு நிகழ்ச்சியில் முதல்வர் மு.க.ஸ்டாலின் பங்கேற்றார்.
கொரோனா பாதிப்பு உள்ளிட்ட காரணங்களால் பதவி ஏற்காது எம்எல்ஏக்கள் இன்று பதவியேற்றனர்.
