இந்தியாவில் கேசினோக்கள்,ஆன்லைன் விளையாட்டுக்கள் மற்றும் ஜிஎஸ்டியை விதிக்கும் குதிரை பந்தயம் ஆகிய விளையாட்டுக்களின் சேவைகளை சிறந்த மதிப்பீடு செய்வதற்காக கடந்த 2021 ஆம் ஆண்டு மே மாதம் அமைச்சர்கள் குழுவை மத்திய அரசு அமைத்தது.
இந்நிலையில்,ஆன்லைன் விளையாட்டுக்கள்,குதிரைப் பந்தயம் மற்றும் கேசினோ போன்ற விளையாட்டுகளுக்கான ஜிஎஸ்டி வரியை 18% இருந்து 28% ஆக உயர்த்த மத்திய அரசுக்கு அமைச்சர்கள் குழு (ஜிஓஎம்) பரிந்துரைத்துள்ளது.
இன்றும் ஓரிரு நாட்களில் ஜிஎஸ்டி கவுன்சில் கூட்டம் நடைபெறவுள்ள நிலையில்,ஆன்லைன் விளையாட்டுக்கள்,ரேஸ் மற்றும் கேசினோ போன்ற விளையாட்டுகளுக்கான ஜிஎஸ்டி வரியை 28% ஆக உயர்த்துவதற்கான அறிக்கை தாக்கல் செய்யப்பட்டு,வரும் ஜிஎஸ்டி கவுன்சில் கூட்டத்தில் விவாதிக்கப்படும் என தகவல் வெளியாகியுள்ளது.
மேலும்,இது தொடர்பாக மேகாலயா முதல்வர் கான்ராட் சங்மா கூறுகையில்:”கேசினோக்கள்,ரேஸ் கோர்ஸ்கள் மற்றும் ஆன்லைன் கேமிங் தொடர்பான அமைச்சர்கள் குழு (GoM) ஒருமித்த கருத்துக்கு வந்துள்ளது.எங்கள் சமர்ப்பிப்புகளின் அறிக்கை மத்திய நிதி அமைச்சர் நிர்மலா சீதாராமன் அவர்களிடம் ஒப்படைக்கப்படும்.வரும் ஜிஎஸ்டி கூட்டத்தில் சமர்ப்பிக்கப்படும்” என்று தெரிவித்துள்ளார்.இது விளையாட்டு ஆர்வர்கள் மத்தியில் அதிர்ச்சியை ஏற்படுத்தியுள்ளது.
The Group of Ministers (GoM) on casinos, race courses & online gaming has come to a consensus.
The report of our submissions will be handed over to Hon’ble FM, Smti. @nsitharaman Ji in a day or two & the matter will be presented in the next @GST_Council Meeting @FinMinIndia pic.twitter.com/n3Zm0yHSbl
— Conrad Sangma (@SangmaConrad) May 18, 2022
