2017-ஆம் ஆண்டில் நம்மை விட்டு பிரிந்துபோன பிரபலங்கள்…!!

ஜனவரி 1: பிரபல பாலிவுட் நடிகர் ஓம் புரி தன்னுடைய 66வது வயதில் மாரடைப்பால் காலமானார்.
ஜனவரி 14: தமிழக முன்னாள் ஆளுநரும், பஞ்சாப் முன்னாள் முதல்வருமான சுர்ஜித் சிங் பர்னாலா,தன்னுடைய 91வது வயதில் இறந்தார்.
பிப்ரவரி 1: இந்திய தேசிய முஸ்லிம் லீக் தேசியத் தலைவரும், முன்னாள் மத்திய அமைச்சருமான இ.அகமது,தன்னுடைய 67 வயதில் காலமானார். இவர் நாடாளுமன்றத்தில் இருந்தபோது அவருக்கு மாரடைப்பு ஏற்பட்டது என்பது குறிப்பிடத்தக்கது.
பிப்ரவரி 6: “யுனெஸ்கோ கூரியர்’ தமிழ்ப் பத்திரிகை ஆசிரியர் மணவை முஸ்தஃபா,தன்னுடைய 78வது வயதில் காலமானார்.
பிப்ரவரி 19: உச்ச நீதிமன்ற தலைமை நீதிபதி அல்தமஸ் கபீர்,தன்னுடைய 68வது வயதில் சிறுநீரகம் செயலிழந்தது காரணமாக உயிரிழந்தார்.
மார்ச் 6: சோசலிஷத் தலைவரும், முன்னாள் மத்திய அமைச்சருமான ரபி ரே,தன்னுடைய 91வது வயதில் காலமானார்.
மார்ச் 18: நடிகர் கமல்ஹாசனின் அண்ணன் சந்திரஹாசன்,அவருடைய 82வது வயதில் லண்டனில் மாரடைப்பால் உயிரிழந்தார்.
மார்ச் 23:தமிழகத்தின் பிரபல தமிழ் எழுத்தாளர் அசோகமித்ரன்,அவருடைய 85வது வயதில் காலமானார்.
ஏப்ரல் 16:பிரபல தமிழ் எழுத்தாளர் மா.அரங்கநாதன்,தன்னுடைய 83வது வயதில் சென்னையில் காலமானார்.
ஏப்ரல் 27: பழம் பெரும் பாலிவுட் நடிகர் வினோத் கன்னா, அவருடைய 70வது வயதில் காலமானார்.
மே 11: ராம்கோ குழுமத்தின் தலைவர் பி.ஆர்.ராமசுப்பிரமணிய ராஜா மறைவு.
மே 18: மத்திய சுற்றுச்சூழல் துறை அமைச்சர் அனில் மாதவ் தவே 60வது வயதில் மாரடைப்பால் உயிரிழந்தார்.
மே 30: முன்னாள் மத்திய அமைச்சரும், தெலுங்கு திரைப்பட இயக்குநருமான தாசரி நாராயண ராவ்,தன்னுடைய 75வது வயதில் உடல் நலக்குறைவு காரணமாக உயிரிழந்தார்.அவர் தமிழ், தெலுங்கு, ஹிந்தியில் 125 படங்களை இயக்கிய கின்னஸ் சாதனையாளர்.
ஜூன் 6: திராவிட இயக்கத்தின் முதுபெரும் தலைவரும், மூத்த நாடாளுமன்றவாதியுமான இரா. செழியன் 94வது வயதில் காலமானார்.
ஜூன் 29: கந்த சஷ்டி கவசம் பாடல் புகழ் சூலமங்கலம் சகோதரிகளில் மூத்தவரான ஆர்.ஜெயலட்சுமி 80வது வயதில் காலமானார்.
ஜூலை 16: சிக்கிமில் தொடர்ந்து 3 முறை முதல்வராக இருந்து சாதனை படைத்த நர் பகதூர் பண்டாரி 77வது வயதில் காலமானார்.
ஜூலை 24: இந்திய செயற்கைக்கோள் திட்டங்களின் தந்தை என்று போற்றப்பட்டும் உடுப்பி ராமச்சந்திர ராவ் 85வது வயதில் காலமானார்.
ஜூலை 27: காங்கிரஸ் மூத்த தலைவரும், கர்நாடக முன்னாள் முதல்வருமான தரம் சிங் 80வது வயதில் மாரடைப்பால் உயிரிழந்தார்.
செப்டம்பர் 19: ரூ.29,500 கோடி மதிப்புள்ள முருகப்பா குழுமத்தின் தலைவர் எம்.வி. முருகப்பா 81வது வயதில் காலமானார்.
அக்டோபர் 24: அவளோட ராவுகள், தேவஸ்வரம் ஆகிய படங்களை இயக்கிய பிரபல மலையாள இயக்குநர் ஐ.வி.சசி 69வது வயதில் காலமானார்.
நவம்பர் 7: தமிழறிஞரும், பெரியாரியவாதியுமான மா.நன்னன் 94வது வயதில் மறைவு.
நவம்பர் 20: நீண்ட காலமாக கோமா நிலையில் இருந்த காங்கிரஸ் மூத்த தலைவர் பிரியரஞ்சன் தாஸ் முன்ஷி 72வது வயதில் காலமானார்.
டிசம்பர் 4: பழம்பெரும் நடிகர் சசி கபூர் 79வது வயதில் உயிரிழந்தார்.

Leave a Comment