மேற்குவங்கத்தில் மூன்றாம் கட்ட வாக்குப்பதிவு தீவிரமாக நடைபெற்று வரும் நிலையில், அங்கு காலை 9 மணி நிலவரப்படி 14.62 சதவித வாக்குகள் பதிவானது.
மேற்குவங்கத்தில் மொத்தமாக 294 தொகுதிகள் உள்ள நிலையில், அங்கு 8 கட்டங்களாக தேர்தல் நடைபெறுகிறது. இதில் இரண்டு கட்டங்கள் ஏற்கனவே முடிவடைந்த நிலையில், 31 தொகுதிகளுக்கான மூன்றாம் கட்ட வாக்குப்பதிவு இன்று காலை 7 மணிக்கு தொடங்கியது. இந்த தேர்தலில் 78 லட்சத்திற்கு மேற்பட்ட வாக்காளர்கள் வாக்களிக்க உள்ள நிலையில், 10,871 வாக்குச்சாவடிகள் அமைக்கப்பட்டுள்ளன. தற்பொழுது 9 மணி நிலவரப்படி, அம்மாநிலத்தில் 14.62 சதவித வாக்குகள் பதிவானது.
