சி.பி.ஐ இயக்குநர் அலோக் வர்மா, துணை இயக்குநர் ராகேஷ் அஸ்தானா ஆகியோர் ஊழல் குற்றச்சாட்டுகள் தொடர்பாக நேரில் சந்தித்து விளக்கமளிக்க பிரதமர் மோடி உத்தரவிட்டுள்ளார்.
சி.பி.ஐ இயக்குநர் அலோக் வர்மாவுக்கும், சி.பி.ஐ துணை இயக்குநர் ராகேஷ் அஷ்தானாவுக்கும் இடையேயான மோதல்தான் கடந்த ஒரு மாதங்களாக மத்திய அரசு அதிகாரிகள் மத்தியில் தலைப்பு செய்தியாக வலம் வந்துகொண்டிருக்கிறது. இருவரும் ஒருவர் மேல் ஒருவர் வைக்கும் குற்றச்சாட்டுகள் சி.பி.ஐ என்ற அமைப்பையே நிலைகுலை வைத்துள்ளது.
பீகார் முன்னாள் முதல்வர் லாலு பிரசாத் வழக்கு உட்பட முக்கிய வழக்குகளில் சி.பி.ஐ இயக்குநர் அலோக் வர்மா தலையிடுகிறார்.அந்த வழக்குகளின் விசாரணையை முடக்க அலோக் முயல்கிறார்” எனக் கடந்த மாதம் பரபரப்பு குற்றச்சாட்டைக் கூறியதுடன் மத்திய ஊழல் தடுப்பு பிரிவினருக்குக் கடிதமும் எழுதியிருந்தார் துணை இயக்குநர் ராகேஷ் அஸ்தானா.
இவருடைய கடிதம் தொடர்பாக பரபரப்பாகப் பேசப்பட்ட இந்தக் குற்றச்சாட்டை மறுத்த அலோக் வர்மா, அஸ்தானா மீது ஆறு புகார்கள் வந்துள்ளன. அந்தப் புகாரில் மாட்டிக்கொள்ளாமல் இருக்கவும் திசை திருப்பவுமே அவர் என் மீது புகார் கூறுகிறார். அதில் உண்மையில்லை” என கூறினார்.
இந்நிலையில் இறைச்சி ஏற்றுமதி வழக்கில் ரூ.2 கோடி லஞ்சம் பெற்றதாக அலோக் வர்மா மீதும், ரூ.3 கோடி லஞ்சம் பெற்றதாக அஸ்தானா மீதும் குற்றச்சாட்டு எழுப்பப்பட்டது.
இந்நிலையில் சர்ச்சையை ஏற்படுத்தியுள்ள இந்த விவகாரம் பிரதமர் மோடி வரை சென்றுவிட்டது.இது தொடர்பாக மோடி அதிரடி நடவடிக்கையில் இறங்கியுள்ளார் என மத்திய அரசு தெரிவித்துள்ளது.
இப்படி சிபிஐ ஒருவருக்கொருவர் ஊழல் குற்றச்சாட்டு கூறிய வரும் நிலையில் இருவரும் நேரில் வந்து விளக்கம் அளிக்குமாறு பிரதமர் மோடி உத்தரவிட்டுள்ளார். இவர்கள் மீது விரைவில் நடவடிக்கை பாயும் எனத் தகவல் வட்டாரங்கள் தெரிவிக்கின்றது.
