அதில் தலைமை செயல் அதிகாரி விஜய் சேகர் சர்மாவின் தனிப்பட்ட செயலாளராக பணியாற்றி வருபவர் சோனியா தவன். இவர் கடந்த 10 ஆண்டுகளாக விஜய் சேகர் சர்மாவின் நிறுவனத்தில் பணியாற்றி வருகிறார். அந்த நிறுவனத்தில் 7 ஆண்டுகளுக்கு முன்பு பணியில் சேர்ந்தவர் தேவேந்திர குமார். இவர்கள் இருவரும் பேடிஎம் நிறுவனம் பெரிய அளவில் வளர்வதற்கு உழைத்த ஊழியர்களில் முக்கியமானவர்கள் ஆவர்.இந்தநிலையில், சோனியா தவன் அவரது கணவர் ரூபக் ஜெயின், தேவேந்திர குமார் ஆகியோர், பேடிஎம் சிஇஓ சர்மாவின் தனிப்பட்ட தகவல்களை திருடி வைத்துக்கொண்டு, அவரை பிளாக்மெயில் செய்ததாக கூறி போலீஸார் கைது செய்துள்ளனர்.விஜய் சேகர் சர்மாவின் தனிப்பட்ட தகவல்களை வெளியிட்டால், நிறுவனத்துக்கு நஷ்டம் ஏற்படும், நற்பெயர் கெட்டுப்போகும் என்று கூறி அவர்கள் மிரட்டியதாகவும், இதற்காக 20 கோடி ரூபாய் தர வேண்டும் என்று அவர் மிரட்டியதாக நொய்டா போலீசில் விஜய் சேகர் புகார் அளித்தார். அவரது புகாரின் பேரில் அவர்கள் மூன்று பேரும் கைது செய்யப்பட்டு விசாரணை நடைபெற்று வருகிறது.