இந்தியாவிற்காக ஒலிம்பிக் மற்றும் சர்வதேசிய போட்டிகளில் பங்கேற்று பதக்கங்களை குவித்துள்ள இந்தியாவின் விஜேந்தர் சிங் .தற்போது இந்திய தொழில்முறை குத்துச்சண்டை போட்டிகளில் முன்னணி வீரராக திகழ்கிறார், இதுவரை விளையாடியுள்ள 9 பந்தயங்களிலும் வெற்றி பெற்றிருப்பதுடன் டபிள்யூ.பி.ஓ. ஒரியன்டல் (WBO Oriental) மற்றும் ஆசிய பசிபிக் (Asia-Pacific) பட்டங்களையும் கைப்பற்றி இருக்கிறார்.
இந்த நிலையில் விஜேந்தர்சிங் தனது 10-வது தொழில்முறை குத்துச்சண்டையில் கானாவின் எர்னெஸ்ட் அமுஜூவுடன் மோதினார். 34 வயதான எர்னெஸ்ட் அமுஜூ 25 போட்டிகளில் விளையாடி 23-ல் வெற்றியும், 2-ல் தோல்வியும் கண்டவர்.
விஜேந்தர்சிங் தனது பட்டங்களை தக்கவைத்துக் கொள்வதற்காகக் களமிறங்கும் இந்த போட்டியை காண இந்திய ரசிகர்கள் ஆவலுடன் எதிர்பார்த்து காத்திருக்கின்றனர். இந்த பந்தயம் இன்று (23-ந்தேதி) ஜெய்ப்பூரில் நடந்தது.
இந்நிலையில் கானாவின் எர்னெஸ்ட் அமுஜூவுடன் மோதி வென்று ஆசிய பசிஃபிக் குத்துச்சண்டை போட்டியில் தொடர்ந்து 10ஆவது முறையாக வென்று பட்டத்தை தக்கவைத்தார் இந்திய வீரர் விஜேந்தர் சிங்.
