ராஜஸ்தான் முழுவதும் சந்தோஷ அலை.. பாஜகவின் சதி திட்டம் தோல்வி.. அசோக் கெலாட்.!

ராஜஸ்தான் முழுவதும் சந்தோஷ அலை.. பாஜகவின் சதி திட்டம் தோல்வி.. அசோக் கெலாட்.!

ராஜஸ்தானில் முதல்வர் அசோக் கெலாட் தலைமையில் ஆட்சி காங்கிரஸ்  ஆட்சி நடைபெற்று வருகிறது. கடந்த மாதம் துணை முதல்வராக இருந்த சச்சின் பைலட், முதல்வர் அசோக் கெலாட்டிற்கு எதிராக போர்க்கொடி தூக்கி தனது ஆதரவு எம்.எல்.ஏ.க்கள் 18 பேருடன் டெல்லியில் முகாம் மிட்டார்.

அதன் பின்னர் 2 முறை  நடைபெற்ற சட்டமன்ற உறுப்பினர்கள் கூட்டத்தில் சச்சின் பைலட் மற்றும் அதிருப்தி எம்.எல்.ஏ.க்கள்  18 பேர் கலந்துகொள்ளவில்லை. இதனால், சச்சின் பைலட்டின் துணை முதல்வர் பதவி பறிக்கப்பட்டது.  அவருடன் ஆதரவாளர்கள் 2 பேரின் அமைச்சர் பதவியும் பறிக்கப்பட்டது.

இதைத்தொடர்ந்து, ஆட்சியை கவிழ்க்கும் நோக்கில் பைலட் செயல்படுகிறார் எனவும் , பாஜக உடன் கூட்டணி அமைக்க போகிறார் என்ற தகவல் வெளியானது. ஆனால்,சச்சின் இதற்கு  மறுப்பு  தெரிவித்தார். சமீபத்தில் திடீரென சச்சின் பைலட், காங்கிரஸ் தலைவர்கள் ராகுல் காந்தி, பிரியங்கா காந்தி ஆகியோரை சந்தித்து பேசினார். இந்த சந்திப்பிற்கு பிறகு சமரசம் ஏற்பட்டது.

இந்த சமரசம் முடிந்த நிலையில், கடந்த செவ்வாய்க்கிழமை  சச்சின் பைலட் மற்றும் அதிருப்தி எம்.எல்.ஏ.க்கள்  18 பேர் மீண்டும் பேர் ஜெய்ப்பூர் வந்தனர். இந்நிலையில், நேற்று அசோக் கெலாட்  இல்லத்தில் அவரது தலைமையில் நேற்று மாலை  காங்கிரஸ் எம்.எல்.ஏ.க்கள் கூட்டம் நடைபெற்றது. இந்த கூட்டத்தில் கலந்து கொள்ள சச்சின் பைலட்டுக்கு அழைப்பு விடப்பட்டது.

அழைப்பை ஏற்ற சச்சின் பைலட் மற்றும் அவரது ஆதரவு எம்.எல்.ஏ.க்கள் அனைவரும் கெலாட்டின் வீட்டிற்கு வந்தனர். அப்போது, அசோக் கெலாட் , சச்சின் பைலட் இருவரும் கைகுலுக்கி கொண்டனர். இந்நிலையில், இன்று  ராஜஸ்தான் சட்டசபை நடைபெற்றது. இந்த, நம்பிக்கை வாக்கெடுப்பில் அசோக் கெலாட் தலைமையிலான அரசு வெற்றி பெற்றுள்ளது என அறிவிக்கப்பட்டது.

இதனால் ராஜஸ்தானில்  காங்கிரஸ் ஆட்சி கவிழ்வதிலிருந்து  தப்பியது. சட்டசபைக்கு வெளியே  செய்தியாளர்களிடம் பேசிய முதல்வர் அசோக் கெலாட், ராஜஸ்தான் முழுவதும் சந்தோஷ அலை பரவியுள்ளது. பாஜகவின் சதி திட்டம் தோல்வியடைந்தது. இந்த வெற்றி ராஜஸ்தான் மக்களின் வெற்றி என நினைக்கிறேன்.

  மத்திய பிரதேசம், கர்நாடகா, கோவா, மணிப்பூர் பின்பற்றிய அதே சதி திட்டத்தை  ராஜஸ்தானிலும் செயல்படுத்த பாஜக  முயன்றனர். ஆனால் அவர்களின் திட்டம் தோல்வியடைந்தது என கூறினார்.

Latest Posts

நவராத்திரி திருவிழா : களைகட்டிய பிக் பாஸ் வீடு, உற்சாகத்தில் போட்டியாளர்கள்!
"பணம் லா பிரச்சனை இல்ல"..... மிரட்டும் சூரரைப் போற்று டிரைலர்..!
இன்று 1 முட்டை விலை எவ்வளவு தெரியுமா...?
நாளுக்கு நாள் இந்தியாவில் குறைந்துவரும் கொரோனா பாதிப்பு!
பெரம்பலூரில் டைனோசர் முட்டை கண்டெடுக்கப்பட்டதாக பரவிய வதந்தி! இணையத்தை கலக்கும் மீம்ஸ்கள்!
வணக்கம் நல்லா இருக்கீங்களா? எப்படி வந்தது இந்த யோசனை.? தூத்துக்குடி சலுன் கடைக்காரரிடம் மோடி...
வேதனையான தோல்வி....நம் இதயத்தின் சூப்பர் கிங்ஸ் அவர்கள்...
20 ஆயிரம் கண அடியிலிருந்து 15 ஆயிரமாக சரிந்த மேட்டூர் அணை நீர்மட்டம்!
குடிவெறியில் தாயின் தலையை துண்டித்த கொடூரன் கைது - காரணம் இது தானாம்!
மீண்டும் கோரத்தாண்டவம் ஆடும் கொரோனா! ஸ்பெயினில் மீண்டும் முழு ஊரடங்கு அமல்!