பொல்லாதவன் ஆடுகளம் வடசென்னை ஆகிய படங்களை தொடர்ந்து மீண்டும் தனுஷ் வெற்றிமாறன் கூட்டணி அசுரன் படத்தில் இணைந்துள்ளது. இப்படத்தை கலைப்புலி தாணு தயாரித்து வருகிறார். இப்படத்தின் ஷூட்டிங் வேகமாக நடந்து வருகிறது.
இந்த படத்தை அடுத்து வடசென்னை பாகம் இரண்டு தயாராகும் என ரசிகர்கள் எதிர்பார்த்து காத்திருந்தனர். ஆனால் ரசிகர்களுக்கு அதிர்ச்சி அளிக்கும் செய்தியாக சூரியை நாயகனாக வைத்து வெற்றிமாறன் புதிய படத்தை இயக்க உள்ளார் என்ற தகவல் வெளியானது.
தற்போது இந்த தகவல் உறுதியாகியுள்ளது. இந்த படத்தை, விண்ணைத்தாண்டி வருவாயா, கோ ஆகிய படங்களை தயாரித்த எல்ரெட் குமார் தயாரிக்க உள்ளார் என்ற தகவல் வெளியாகியுள்ளது. அப்போ வடசென்னை எப்போ தயாராகுமென ரசிகர்கள் எதிர்பார்த்து காத்திருக்கின்றனர்.
