பிஸ்கோத் படத்தில் சந்தானம் ராஜசிம்கா என்ற ராஜா கதாபாத்திரத்தில் நடித்துள்ளதாக தகவல்கள் வெளியாகியுள்ளன.
ஆர். கண்ணன் இயக்கத்தில் சந்தானம் ஹீரோவாக நடித்து முடித்துள்ள திரைப்படம் பிஸ்கோத். இந்த படத்தில் இவருக்கு ஜோடியாக தாரா அலிஷா மற்றும் சுவாதி முப்பலா நடித்துள்ளனர். மேலும் சௌகார், ஜானகி, ஆனந்தராஜ், மொட்ட ராஜேந்திரன், பரத் ரெட்டி, சிவசங்கர் மாஸ்டர், லொள்ளு சபா மனோகர் உள்ளிட்ட பலர் முக்கிய வேடங்களில் நடித்துள்ளனர். இந்த படத்தை மசாலா பிக்ஸ் மற்றும் எம். கே. ஆர். பி. புரொடக்ஷன்ஸ் இணைந்து தயாரிக்கிறது. இந்த படத்தில் சந்தானம் மூன்று கெட்டப்களில் நடிப்பதாகவும், அதில் ஒரு கேரக்டர் பிஸ்கட் தொழிற்சாலையில் பணிபுரியும் நபர் என்றும் கூறப்பட்டது. சமீபத்தில் இந்த படத்தின் டிரைலர் விரைவில் வெளிவரும் என்று படக்குழுவினர் அறிவித்திருந்தனர்.
இந்த நிலையில் தற்போது இந்த படத்தின் ஒரு பகுதியில் ராஜாவாக சந்தானம் நடித்துள்ளதாக தகவல்கள் வெளியாகியுள்ளன. ஏற்கனவே இயக்குநர், பிஸ்கோத் படத்தில் வரலாற்று காட்சிகள் 30நிமிடங்கள் வரை வரும் என்று கூறியிருந்தார். எனவே சந்தானம் 18ம் நூற்றாண்டில் வரும் ராஜசிம்கா என்ற ராஜாவாக நடித்துள்ளதாகவும் , அவருக்கு ராணியாக தாரா அலிஷா மற்றும் சுவாதி முப்பலா ஆகியோர் நடித்துள்ளதாகவும் தகவல்கள் வெளியாகியுள்ளன.
