none

டாட்டா மோட்டார் நிறுவனம், தனது புதிய ஹேரியர் எஸ்யூவீகளை இந்தியாவில் அறிமுகம் செய்துள்ளது. இந்த மாடலில் உள்ள கார்கள் அனைத்தும் 12.69 லட்சம் ரூபாயில் இருந்து, 16.25 லட்ச ரூபாய் வரையில் விற்பனை செய்யப்பட்டு வருகிறது. இந்த வகையான கார் 2018-19 நிதியாண்டில் அறிமுகமான நான்காவது கார்களாகும். இந்த கார், XE, XM, XT மற்றும் XZ என நான்கு வகைகளில் கிடைக்கிறது.   1956 cc இன்ஜினை கொண்ட இந்த ஹாரியரில், 2 லிட்டர்-4 சிலிண்டர் டர்போசார்ஜ்டு டீசல் மோட்டார்கள் பொருத்தப்பட்டுள்ளது. அந்நிறுவனம், இதனை கிரயோடேக் என்று அழைக்கிறது. இந்த இன்ஜின்கள், 138bhp ஆற்றலுடன் பீக் டார்க்யூவில் 350Nm கொண்டதாக இருக்கும். மேலும் இதில் உள்ள 6-ஸ்பீட் மெனுவல் கியர் பாக்ஸ் உடன் இணைக்கப்பட்டிருக்கும். மேலும் இதில் எக்கோ, சிட்டி மற்றும் ஸ்போர்ட்ஸ் என மூன்று டிரைவிங் மோடுகள் உள்ளன. டாட்டா ஹாரியர் எஸ்யூவியின் இன்டீரியரில், பவர் ஸ்டீயரிங், டில்ட் மற்றும் டெலிஸ்கோபிக் அட்ஜெஸ்ட் செய்யும் ஸ்டீயரிங், 7இன்ச் டச்-ஸ்க்ரீன் கிளச்சர் மற்றும் பவர் விண்டோஸ் போன்றவை இடம் பெற்றுள்ளது. பாதுகாப்பு வசதிகளாக முன்புறம், டூயல் ஏர்பேக்ஸ் மற்றும் EBD-களுடன் கூடிய ABS பிரேக்கிங் சிஸ்டம் பொருத்தப்பட்டுள்ளது. மேலும், இதில் டாப்-வகையாக விளங்கும் XZ வகை கார்களில், 8.8 இன்ச் ப்ளோடிங் டச் ஸ்கிரீன் இன்ஃபோடெயின்மென்ட் கிளச்சர்களுடன், 9 JBL ஸ்பீக்கர்கள் பொருத்தப்பட்டுள்ளது. இந்த வகை காரில் டார்க் எடிஷன் வெளிவந்துள்ளது. இதனின் விலை, 16.25 லட்ச ரூபாய் என டாட்டா நிறுவனம் அறிவித்தது.