வங்கி முக்கிய நிர்வாகிகளுடன் முதல்வர் எடப்பாடி பழனிசாமி மற்றும் துணை முதல்வர் ஓ.பன்னீர் செல்வம் ஆகியோர் ஆலோசனை.
சென்னை தலைமை செயலகத்தில் தமிழக முதல்வர் எடப்பாடி பழனிசாமி மற்றும் துணை முதல்வர் ஓ.பன்னீர் செல்வம் ஆகியோர் தற்போது வங்கி நிர்வாகிகளுடன் ஆலோசனை மேற்கொண்டு வருகின்றனர். இந்த ஆலோசனையில், சிறு, குறு நிறுவனங்களுக்கு எளிய முறையில் கடன் வழங்குவது குறித்து வங்கி நிர்வாகிகளுடன் முதல்வர் பழனிசாமி, துணை முதல்வர் ஓபிஎஸ் ஆலோசனை நடத்தி வருகின்றனர். பொதுமுடக்கம் காரணமாக சிறு, குறு தொழில்கள் பெரும் சிரமத்தை சந்தித்து வரும் நிலையில், தற்போது ஆலோசனை மேற்கொள்ளப்பட்டு வருகிறது.
இந்த ஆலோசனை கூட்டம் தற்போது தொடங்கியுள்ளது. அப்போது பேசிய முதல்வர் பழனிசாமி, வங்கிகள் சிறப்பு முகாம்கள் மூலம் உழவர் கடன் அட்டை வழங்க வேண்டும். சிறு, குறு நிறுவனங்களுக்கு கூடுதல் கடன்களை வழங்க வேண்டும் என்று முதல்வர் கோரிக்கை. சிறு, குறு நிறுவனங்களுக்கு தற்போதைய தேவை கடன் தான் என்று கூறியுள்ளார். மேலும், வங்கி அதிகாரிகளின் ஒத்துழைப்பு தமிழகத்துக்கு தேவை என்று குறிப்பிட்டுள்ளார். விவசாயிகளுக்கு வங்கிகள் உடனுக்குடன் கடனுதவி வழங்க வேண்டும் என்றும் ஆலோசனையில் முதல்வர் பேசியுள்ளார்.
