அசாத்தியமான பேட்டிங் ஃபார்மில் இருக்கும் ஆஸ்திரேலிய கேப்டன் ஸ்டீவ் ஸ்மித், தரவரிசைப் புள்ளிகளில் டான் பிராட்மேனுக்கு அருகில் இருக்கிறார்.
பிரிஸ்பனில் 141 அடித்த ஸ்மித், பெர்த்தில் 239 ரன்கள் விளாசி இங்கிலாந்தின் நம்பிக்கைகளை குழிதோண்டிப் புதைத்தார்.
இந்நிலையில் ஐசிசி டெஸ்ட் பேட்டிங் தரவரிசையில் முதலிடத்தில் ஸ்மித்தின் தரவரிசைப் புள்ளிகள் 938-லிருந்து 945 ஆக அதிகரித்துள்ளது. முன்பு 941 என்ற அதிகபட்ச புள்ளிகளை ஸ்மித் பெற்றிருந்தது குறிப்பிடத்தக்கது.
இதனையடுத்து இங்கிலாந்து முன்னாள் பேட்ஸ்மென் லென் ஹட்டனுடன் ஐசிசி தரவரிசைப் புள்ளிகளில் அனைத்துக் கால அதிகப்புள்ளிகள் பெற்ற டான் பிராட்மேனுக்கு அடுத்த இடத்தில் இருக்கிறார்.
டான் பிராட்மேன் 961 புள்ளிகள் பெற்றுக்கிறார். இதுவரை யாரும் 961 தரவரிசைப் புள்ளிகளைப் பெற்றதில்லை. ஸ்மித் தற்போது 945 புள்ளிகளுடன் 2-ம் இடத்தில் இருக்கிறார்.
ஜனவரி 2016-லிருந்து ஸ்மித் தரவரிசையில் முதலிடம் வகிக்கிறார். இந்திய கேப்டன் விராட் கோலியைக் காட்டிலும் 52 புள்ளிகள் முன்னிலை வகிக்கிறார் ஸ்மித்.
source: dinasuvadu.com
