ஸ்டுடியோ க்ரீன் தயாரிப்பில் சூர்யா – ஹரி காம்போவில் உருவாகும் அருவா எனும் புதிய படத்தில் சூர்யாவுக்கு ஜோடியாகும் கதாநாயகி நடிகை ராசிக்கன்னா தானாம்.
தமிழ் திரையுலகில் நடிகர் சூர்யாவை வைத்து வேல், ஆறு மற்றும் சிங்கம் ஆகிய படங்களை எடுத்து புகழ் பெற்ற இயக்குனர் தான் ஹரி. இவர்கள் இருவரும் இணைந்து எடுக்க கூடிய படங்களுக்கு தனி ரசிகர் பட்டாளமே இருக்கிறது.
இந்நிலையில், தற்போது மீண்டும் இருவரும் இணைந்து புதிய படம் ஒன்றை உருவாக்க உள்ளனர். ஹரி இயக்கத்திலும், ஸ்டுடியோ கிரீன் தயாரிப்பிலும், சூர்யாவின் நடிப்பிலும் உருவாக்கவுள்ள புதிய திரைப்படம் தான் அருவா.
இந்த படத்தில் இசையமைப்பாளர் இமான் இசையமைக்கிறார். சூர்யா படத்திற்கு இமான் இசையமைப்பது இதுவே முதன் முறை. இந்நிலையில், படத்தில் சூர்யாவுக்கான ஜோடி நாயகி குறித்து கதாநாயகிகளிடம் பேச்சு வார்த்தை நடைபெற்று வந்தது.
அதனை தொடர்ந்து தற்பொழுது நடிகை ராசிகன்னாவை நடிக்க வைக்கலாம் என படக்குழுவினர் எடுத்த முடிவின் பேரில், தற்பொழுது அதிகாரபூர்வ அறிவிப்பும் வெளியாகியுள்ளது.
இது குறித்து நடிகை ராசிகன்னாவும் தனது டுவிட்டர் பக்கத்தில் பதிவு ஒன்றை வெளியிட்டுள்ளார். அதில், தான் அரண்மனை 3 மற்றும் ஹரி இயக்கத்தில் உருவாகும் சூர்யாவின் தமிழ் படம் ஒன்றிலும் நடிக்கவுள்ளதாக கூறியுள்ளார். இன்னும் இரண்டு தெலுங்கு படங்கள் பேச்சு வார்த்தையில் உள்ளதாகவும், லாக் டவுன் முடிந்ததும் படப்பிடிப்பு துவங்கும் எனவும் கூறியுள்ளார். இதோ அந்த பதிவு,
Aranmanai 3 and a film with Suriya sir under Hari sir’s direction in Tamil.. Will give more clarity about two projects in Telugu that are under discussions, once the lockdown is over ☺️ https://t.co/sSIESmG3FJ
— Raashi (@RaashiKhanna) May 3, 2020
