விஜய் சேதுபதி நடிப்பில் அடுத்ததாக ரிலீசுக்கு தயாராகி உள்ள திரைப்படம் சங்கத்தமிழன். இந்த திரைப்படத்தை வாலு, ஸ்கெட்ச் ஆகிய படங்களை இயக்கிய விஜய்சந்தர் இயக்கியுள்ளார். நிவேதா பெத்துராஜ், ராசி கண்ணா ஆகியோர் ஹீரோயின்களாக நடித்துள்ளனர்.
இப்படத்தின் டீசர் ஏற்கனவே வெளிவந்து ரசிகர்களின் வரவேற்பை பெற்ற நிலையில், டிரைலர் நேற்று இரவு வெளியானது. வழக்கமான மாஸ் கமர்சியல் சினிமாவிற்கு என்ன தேவையோ அதனை கச்சிதமாக இந்த ட்ரெய்லர் காண்பித்துள்ளது. மாஸ் பஞ்ச் டயலாக், மாஸ் இன்ட்ரோ சீன், அழகான கதாநாயகிகள், அனல் பறக்கும் சண்டைக் காட்சிகள் என ட்ரெய்லரில் ஒவ்வொரு காட்சியும் ரசிகர்களை திருப்திபடுத்துகிறது. இப்படத்தின் மீதான எதிர்பார்ப்பும் தற்போது அதிகமாகி உள்ளது. ட்ரைலர் உருவாக்கிய எதிர்பார்ப்பை படம் பூர்த்தி செய்தால் நிச்சயம் விஜய் சேதுபதிக்கு இப்படம் நல்ல வெற்றி படமாக அமையும்.
