தமிழக பாஜக தலைவராக ரஜினி பெயரை பரிந்துரைக்க இல்லை என்று பாஜக தேசிய செயலாளர் ஹெச்.ராஜா தெரிவித்துள்ளார்.
தமிழக பாஜக தலைவராக இருந்த தமிழிசை தெலுங்கனாவின் ஆளுநராக நியமனம் செய்யப்பட்டார்.இதனால் அவர் தமிழக பாஜக தலைவர் பதவியை ராஜினாமா செய்த நிலையில் அடுத்த தலைவர் யார் என்ற கேள்வி வெகுவாக எழுந்து வந்தது.மேலும் ரஜினிதான் அடுத்த தலைவராக தேர்வு செய்ய வாய்ப்பு உள்ளது என்று தகவல் வெளியானது.
இந்த நிலையில் பாஜக தேசிய செயலாளர் ஹெச்.ராஜா செய்தியாளர்களுக்கு சத்தியமங்கலத்தில் பேட்டி அளித்தார்.அப்பொழுது செய்தியாளர்கள் தமிழக பாஜக தலைவராக ரஜினி தேர்வு செய்யப்படுவாரா? என்று கேள்வி எழுப்பினார்கள் .அதற்கு பதில் அளித்த அவர்,தமிழக பாஜக தலைவராக ரஜினி பெயரை பரிந்துரைக்கவும் இல்லை, அவர் விருப்பம் தெரிவிக்கவும் இல்லை. நல்ல பெயரும், புகழும் கொண்ட ரஜினிக்கு இழுக்கு ஏறப்டுத்தக்கூடாது.மேலும் பொருளாதார மந்தநிலையை மறைக்க சிதம்பரம் கைது என்பது அப்பட்டமான பொய். ஆவணங்களின் அடிப்படையிலேயே அவர் கைது செய்யப்பட்டுள்ளார் என்றும் தெரிவித்துள்ளார்.
