நடிகர் விவேக் தமிழ் சினிமாவின் முன்னணி நடிகர்களில் ஒருவர் ஆவார். இவர் சினிமாவில் மட்டுமே அக்கறை செலுத்தாமல் சமூக அக்கறை கொண்டவராகவும் வருகிறார். இவர் மரம் நடுதல், மழை நீர் சேகரிப்பு போன்றவை குறித்து பல விழிப்புணர்வு கூட்டங்களையும் நடத்தி வருகிறார்.
இந்நிலையில், இவர் தனது ட்வீட்டர் பக்கதில் ஒரு பதிவினை பதிவிட்டுள்ளார். அந்த பதிவில், எனக்கு பிடித்த மூன்று பண்புகள் என ரஜினி, அஜித் மற்றும் விஜய் கூறிய வார்த்தைகளை பதிவிட்டுள்ளார். இதனை பார்த்த ஒருவர், அந்த பதிவிற்கு, ‘ஏன் கமல் சார் பற்றி சொல்வதற்கு ஒன்றுமே இல்லையா போலி பகுத்தறிவாதியே’ என கமெண்ட் செய்துள்ளார்.
இதற்க்கு பதிலளித்த நடிகர் விவேக், ‘நீங்கள் என்னை பற்றி சொன்னதை கமல் சாரிடம் சொல்லுங்கள். அவரே உங்களை திருத்துவார். எங்கள் நட்பு முட்டாள்களுக்கு புரியாது.’ என பதிலளித்துள்ளார்.
