தமிழ் திரையுலகில் அடுத்த இரு மாதங்களில் ரிலீசாக உள்ள தமிழ் படங்களில் மொத்த லிஸ்ட் இதோ

வரும் வெள்ளிக்கிழமை அன்று விக்ரம் மகன் துருவ் விக்ரம் நடித்துள்ள ஆதித்யா வர்மா திரைப்படம் வெளியாக உள்ளது. இப்படம் தெலுங்கில் வெற்றி பெற்ற அர்ஜுன் ரெட்டி திரைப்படத்தின் தமிழ் ரீமேக் ஆகும்.

அடுத்ததாக அடுத்த வாரம் நவம்பர் 29ஆம் தேதி தனுஷ் நடிப்பில் வெகு நாட்களாக கிடப்பில் இருக்கும் எனை நோக்கி பாயும் தோட்டா ரிலீசாக உள்ளது. அதே நாளில், சமுத்திரக்கனியின் அடுத்த சாட்டை, மற்றும் பிக் பாஸ் ஆரவ் நடித்துள்ள மார்க்கெட் ராஜா படமும் வெளியாக உள்ளது.

அடுத்ததாக டிசம்பர் 6ஆம் தேதி கதிர் நடிப்பில் கால்பந்தாட்டத்தில் மையமாக வைத்து உருவாகியுள்ள ஜடா திரைப்படமும், இயக்குனர் பா.ரஞ்சித் தயாரித்துள்ள இரண்டாம் உலகப்போரின் கடைசி குண்டு திரைப்படமும், இயக்குனர் சுந்தர்.சி நடித்துள்ள பேய் படமான இருட்டு திரைப்படமும் வெளியாக உள்ளது. அடுத்து, விஜய் தந்தை எஸ்.ஏ.சந்திரசேகர் இயக்கியுள்ள கேப்மாரி படமும் ரிலீசாக .உள்ளது.

அதற்கு அடுத்து டிசம்பர் 20ஆம் தேதி கிறிஸ்துமஸ் விடுமுறையை முன்னிட்டு 4 நேரடி தமிழ்ப் படங்களும் ஒரு டப்பிங் திரைப்படம் வெளியாக உள்ளது. முதலில் இருப்பது சிவகார்த்திகேயன் நடிப்பில் உருவாகியுள்ள ஹீரோ திரைப்படம், அடுத்தது கார்த்தி நடிப்பில் பாபநாசம் இயக்குனர் இயக்கியுள்ள தம்பி திரைப்படம், அடுத்தது ஜீவா நடித்துள்ள சீறு திரைப்படம், நான்காவதாக ஜீவி பிரகாஷ் குமார் -எழில் கூட்டணியில் உருவாகியுள்ள ஆயிரம் ஜென்மங்கள் திரைப்படம். இதுபோக பிரபுதேவா இயக்கத்தில் சல்மான் கான் நடித்துள்ள தபாங் 3 திரைப்படமும் தமிழில் டப்பிங் செய்யப்பட்டு வெளியாக உள்ளது.