எனது மகள் நீதிபதி ஆக வேண்டும் என்பது எனது கனவு.
நடிகர் மன்சூர் அலிகான் தமிழ் சினிமாவில் வேலை கிடைச்சிடுச்சி என்ற படத்தில் நடித்ததன் மூலம் அறிமுகமானார். இவர் தமிழ், மலையாளம் மற்றும் கன்னடம் போன்ற மொழிகளில் திரைப்படங்களில் நடித்துள்ளார். இவர் சமீபத்தில் தேர்தலில் கலந்து கொண்டு படு பிசியாக இருந்தார்.
இவரை தொலைபேசியில் தொடர்பு கொண்டாலும், அவரது மேனஜர் தான் போனை எடுக்கிறாராம். நீண்ட முயற்சிக்குப் பிறகு மன்சூர் அலிகானைத் தொடர்பு கொண்டுள்ளனர். அவரிடம், “ஏன் தொடர்பு எல்லைக்கு அப்பால் இருக்கிறீர்கள்?” என்று கேட்டுள்ளனர்.
இதற்கு பதிலளித்த மன்சூர் அலிகான், ‘என் மகளுக்குத் திருமண வரன் பார்த்துக் கொண்டிருக்கிறேன். மகளுக்கு நீதிபதி ஆக வேண்டும் என்பது கனவு. அதற்காக அவர் படித்துக் கொண்டிருக்கிறார். படிப்பின் போதே திருமணம் நடத்தி வைக்க வேண்டும் என்று ஆசைப்படுகிறேன். மேலும், இப்போது நிறைய படங்களிலும் நடித்து வருகிறேன்.’ என பதிலளித்துள்ளார்.
