உத்தரபிரதேச மாநிலம் அயோத்தியில் பிரமாண்ட ராமர் கோவிலுக்கு இன்று பூமி பூஜையும், அடிக்கல் நாட்டு விழாவும் நடைபெறுகிறது. இந்த நிகழ்ச்சியில் பிரதமர் மோடி, ஆர்.எஸ்.எஸ். தலைவர் மோகன் பகவத், முதல்வர் யோகி ஆதித்யநாத் உள்ளிட்ட பலர் கலந்துகொள்ள உள்ளனர்.
இன்று காலை அயோத்தி புறப்படும் பிரதமர் மோடி அங்கு மூன்று மணி நேரம் செலவிடுகிறார். அப்போது, ஹனுமன் கார்ஹி கோவிலுக்கும் சென்று வழிபடவுள்ளார். கொரோனா காரணமாக இந்த விழாவின் அழைப்பாளர் எண்ணிக்கையை 200-ல் இருந்து 170-ஆக குறைக்கப்பட்டுள்ளது என அறக்கட்டளை தெரிவித்துள்ளது.
இந்நிலையில், பிரதமர் மோடி டெல்லி விமான நிலையத்தில் இருந்து புறப்பட்டார். இதையடுத்து, காலை 10.35 மணிக்கு லக்னோ விமான நிலையம் மோடி செல்ல உள்ளார். அயோத்தி ராமஜென்ம பூமி பூஜையில் பிரதமர் மோடி 40 கிலோ எடையுள்ள வெள்ளியிலான செங்கலை அடிக்கல் நாட்டுகிறார் என்பது குறிப்பிடத்தக்கது.
