கர்நாடக மாநிலத்தில் காங்கிரஸ் கட்சி மதசார்பற்ற ஜனதா தளம் கட்சியைச் சேர்ந்த எம்.எள்.ஏ க்கள் அனைவரும் குடகு பகுதியில் உள்ள சொகுசு விடுதியின் தங்க வைக்கப்பட்டுள்ளனர். இவர்கள் தங்கி இருக்கும் சொகுசு விடுதியின் ஒரு நாள் வாடகை 5ஆயிரம் முதல் 25 ஆயிரம் வரை உள்ளது.
கடந்த வெள்ளிக்கிழமை காங்கிரஸ் எம்.எல்.ஏ க்கள் 11 பேர் தங்கள் சட்டமன்ற உறுப்பினர் பதவியை ராஜினாமா செய்தனர். அதே போல், காங்கிரஸ் அமைச்சர்கள் 11 பெரும் தங்கள் அமைச்சர் பதவியை ராஜினாமா செய்துள்ளனர். இதனால். கர்நாடக மாநில அரசியலில் பரபரப்பான சூழ்நிலை உருவாகியுள்ளது. போதுமான சட்டமன்ற உறுப்பினர்கள் இல்லாததால் முதல்வர் குமாரசாமி தலைமையிலான ஆட்சி எந்த நேரமும் கவிழும் நிலைமை ஏற்பட்டுள்ளது.
இந்நிலையில், தற்போது இருக்கும் எம்.எல்.ஏ க்கள் அனைவரையும் தனியாக சொகுசு விடுதிகளில் தங்க வைக்கப்பட்டுள்ளனர். இதுவரை மாநில ஆளுநர் சட்டமன்றத்தில் பெரும்பான்மை நிரூபிக்க உத்தரவு இடாத நிலையில், தங்கள் கைவசம் இருக்கும் உறுப்பினர்களை பாதுகாத்து வருகின்றனர்.
