• 2019 -ஆம் ஆண்டிற்கான நிலையான வளர்ச்சி இலக்கு பட்டியலை நிதி ஆயோக் வெளியிட்டது.
• இந்த பட்டியலில் தமிழகம் 3-வது இடத்தை பிடித்துள்ளது. 

சமூக ,பொருளாதார மற்றும் சுற்றுச்சூழல் ஆகியவற்றை கருத்தில் கொண்டு மாநிலங்களின் வளர்ச்சியை மதிப்பீடு செய்து ,தர வரிசை பட்டியலை தயாரித்தது நிதி ஆயோக். 2019 -ஆம் ஆண்டிற்கான நிலையான வளர்ச்சி இலக்கு பட்டியலை நிதி ஆயோக் வெளியிட்டது.இந்த பட்டியலில் கேரள மாநிலம் 70 புள்ளிகள் பெற்று முதலிடம் பெற்றுள்ளது.2 -வது இடத்தில் 69 புள்ளிகளுடன் இமாசலப் பிரதேசம் உள்ளது.3-வது இடத்தில் 67 புள்ளிகளுடன் தமிழ்நாடு,ஆந்திரா,தெலுங்கானா மாநிலங்கள் உள்ளது.

வறுமையின்மை பட்டியலில் 72 புள்ளிகள் பெற்று தமிழகம் முதல் இடத்தில் உள்ளது.பசியின்மையில் 10-வது இடத்தில் உள்ளது.உடல் நலத்தில் 76 புள்ளிகள் பெற்று 2-வது இடத்தில் உள்ளது.கல்வித்தரத்தில் 70 புள்ளிகள் பெற்று நான்காம் இடத்தில் உள்ளது.பாலின சமநிலையில் 12-வது இடம்,சுத்தமான குடிநீர் 7 வது இடம் ,எரிசக்தி 4-வது இடம் ,பணி மற்றும் பொருளாதார வளர்ச்சியில் 6-வது இடத்தில் உள்ளது.தொழில்த்துறை,புதுமை கண்டுபிடிப்பு மற்றும் உள்கட்டமைப்பில் 14-வது இடத்தில் உள்ளது.சமநிலையின்மையை குறைப்பதில் 16-வது இடத்தில் உள்ளது.ஒட்டுமொத்த பட்டியலில் தான் தமிழகம் 3வது இடத்தில் உள்ளது.மேலும் கடந்த ஆண்டு வெளியிடப்பட்ட பட்டியலிலும் கேரளா முதலிடத்தில் இருந்தது குறிப்பிடத்தக்கது.

Venu

See Full Bio