- ஆஸ்திரேலிய வீரர் ஸ்மித்தை பின்னுக்கு தள்ளி இந்திய அணி கேப்டன் கோலி மீண்டும் முதலிடத்தை பிடித்துள்ளார்.
- கோலி 928 தரப்புள்ளியுடன் முதலிடத்திலும் , ஸ்மித் 923 புள்ளிகள் பெற்று இரண்டாம் இடத்துக்கு தள்ளப்பட்டுள்ளார்.
சர்வதேச டெஸ்ட் கிரிக்கெட் போட்டியின் பேட்டிங் தரவரிசை பட்டியலை ஐசிசி வெளியிட்டு உள்ளது.இந்த பட்டியலில் இதற்கு முன்னர் முதலிடத்தில் இருந்த ஆஸ்திரேலிய வீரர் ஸ்மித்தை பின்னுக்கு தள்ளி இந்திய அணி கேப்டன் கோலி மீண்டும் முதலிடத்தை பிடித்துள்ளார்.
வங்காளதேசத்திற்கு கடைசி டெஸ்ட் போட்டியில் சதம் விளாசிய கோலி 928 தரப்புள்ளியுடன் தற்போது முன்னேறியுள்ளார். பாகிஸ்தானுக்கு எதிரான போட்டியில் ஸ்மித் 36 ரன்னில் வெளியேறியதால் 923 புள்ளிகள் பெற்று இரண்டாம் இடத்துக்கு தள்ளப்பட்டுள்ளார். மூன்றாமிடத்தில் நியூஸிலாந்து கேப்டன் வில்லியம்சனும் நான்காம் இடத்தில் இந்திய வீரர் புஜாரா உள்ளார்.
பாகிஸ்தானுக்கு எதிரான டெஸ்ட் போட்டியில் ஆஸ்திரேலிய அணியின் தொடக்க வீரர் டேவிட் வார்னர் முச்சதம் அடித்ததை தொடர்ந்து பேட்டிங் தரவரிசை பட்டியலில் 12-வது இடத்தில் இருந்த 5-வது இடத்திற்கு முன்னேறியுள்ளார். ஆறாவது இடத்தில் ரஹானே உள்ளார்.
பந்து வீச்சு தரவரிசை பட்டியலில் பும்ரா 5-வது இடத்திலும் ,அஸ்வின் 9-வது இடத்திலும் , ஷமி 10-வது இடத்திலும் உள்ளனர். ஒருநாள் போட்டியில் பேட்ஸ்மேன் தர வரிசையில் விராட்கோலி முதலிடத்தில் உள்ளார் என்பது குறிப்பிடத்தக்கது.
