2 வருடம் கழித்து அதே பாணியில் திருப்பி அடித்த கிங் கோலி ..!

2 வருடம் கழித்து அதே பாணியில் திருப்பி அடித்த கிங் கோலி ..!

  • கடந்த 2017-ம் ஆண்டு விராட் கோலி விக்கெட்டை வீழ்த்திய பின் வில்லியம்ஸ் நோட்புக் ஸ்டைலில் அவரை வழியனுப்பி வைத்தார்.
  • நேற்றைய போட்டியில் கோலி ஜேம்ஸ் வில்லியம்ஸ் வீசிய பந்தை பவுண்டரி அடித்த பிறகு , ஜேம்ஸ் வில்லியம்ஸ் கொண்டாடும் "நோட்புக் ஸ்டைலில்" கொண்டாடினார்.
நேற்று இந்தியா, வெஸ்ட் இண்டீஸ் அணிகள் இடையே முதலாவது டி 20 போட்டி நடைபெற்றது. முதலில் ஆடிய வெஸ்ட் இண்டீஸ் அணி 5 விக்கெட்டை இழந்து 20 வரை முடிவில் 207 ரன்கள் அடித்தனர்.இதன் பின்னர் களமிறங்கிய இந்திய அணி சிறப்பாக விளையாடி 4 விக்கெட்டை இழந்து 18.4 ஓவர் 209 ரன்கள் எடுத்து 6 விக்கெட் வித்தியாசத்தில் வெற்றி பெற்றது. இப்போட்டியில் இந்திய அணி கேப்டன் கோலி சிறப்பான ஆட்டத்தை வெளிப்படுத்தி 50 பந்தில்  94 ரன்கள் குவித்துகடைசிவரை களத்தில் நின்றார்.அதில்  6 பவுண்டரி , 6 சிக்சர்கள் அடங்கும். போட்டியின்போது விராட் கோலி வெஸ்ட் இண்டீஸ் வீரர் ஜேம்ஸ் வில்லியம்ஸ் ஓவரை வெளுத்து வாங்கினார். அப்போது ஜேம்ஸ் வில்லியம்ஸ் வீசிய பந்தை பவுண்டரி அடித்த பிறகு கோலி , ஜேம்ஸ் வில்லியம்ஸ் கொண்டாடும் "நோட்புக் ஸ்டைலில்" கொண்டாடினார். கடந்த 2017-ம் ஆண்டு விராட் கோலி விக்கெட்டை வீழ்த்திய பின் வில்லியம்ஸ் நோட்புக் ஸ்டைலில் அவரை வழியனுப்பி வைத்தார். தற்போது கோலி  பதிலடி கொடுத்துள்ளார். இதுகுறித்து போட்டி முடிந்த பின் கோலியிடம் கேள்வி எழுப்பியபோது , ஜமைக்காவில்  நடைபெற்ற போட்டியின்போது எனக்கு நோட்புக் ஸ்டைல் மூலம் வழி அனுப்பி வைத்தனர். அதனால் இன்று நான் அதை செய்ய வேண்டும் நினைத்தேன் எனக்கூறினார். ஆட்டம் முடிந்த பிறகு நாங்கள் அனைவரும் புன்னகையுடன் கை கொடுத்தோம் . இதுதான் கிரிக்கெட். களத்தில் கடினமாக விளையாடினாலும் எதிரணிக்கு எப்போது மதிப்பு உண்டு என கூறினார்.