மீண்டும் கொம்பன் பட இயக்குனர் முத்தையா இயக்கத்தில் ஒரு புதிய படத்தில் கார்த்தி நடிக்க உள்ளார்.
தமிழ் சினிமாவில் பல நல்ல திரைப்படங்களில் நடித்து தமிழ் ரசிகர்களிடையே நல்ல நடிகராக வலம் வருகிறார் நடிகர் கார்த்தி. இவர் கடைசியாக நடித்த கடைக்குட்டி சிங்கம், கைதி, தம்பி ஆகிய படங்கள் நல்ல வரவேற்பை பெற்றன. இதனை தொடர்ந்து சுல்தான், பொன்னியின் செல்வன் ஆகிய படங்களில் நடித்து வருகிறார்.
இதில் இயக்குனர் மணிரத்னத்தின் கனவு படமாக உருவாகி வரும் பொன்னியின் செல்வன் படத்தில் முக்கிய கதாபாத்திரத்தில் நடித்து வருகிறார். இதன் படப்பிடிப்பை தாய்லாந்து காடுகளில் நடைபெற்றுவந்தது. தற்போது கொரோனா ஊரடங்கால் அனைத்து பட ஷூட்டிங்கும் தடைபட்டுள்ளது.
இந்நிலையில், குறைந்த நபர்களை கொண்டு பட வேலைகள் நடத்த நடத்த அனுமதிக்கப்பட்டதால், தற்போது பொன்னியின் செல்வன் ஷூட்டிங் நடத்தமுடியாது என்பதால், கார்த்தி நடிப்பில் கொம்பன் எனும் சூப்பர் ஹிட் படத்தை இயக்கிய முத்தையா இயக்கத்தில் மீண்டும் கார்த்தி நடிக்க உள்ளார். தற்போது அந்த படவேலைகளில் மும்முரமாக களமிறங்கியுள்ளாராம் கார்த்தி.
