பிரம்மாண்ட இயக்குனர் ஷங்கர் இயக்கத்தில் அடுத்ததாக தயாராகி வரும் திரைப்படம் இந்தியன்-2. இந்த படத்தில் உலக நாயகன் கமல்ஹாசன் ஹீரோவாக நடிக்கிறார். மேலும், சித்தார்த், பிரிய பவனிசங்கர், ரகுள் பிரீத் சிங், விவேக், சமுத்திரக்கனி ஆகியோர் முக்கிய வேடங்களில் நடிக்க உள்ளனர். இப்படத்தை லைகா நிறுவனம் பிரம்மாண்டமாக தயாரிக்க உள்ளது. அனிருத் இப்படத்திற்கு இசையமைக்க உள்ளார்.
இப்படத்தின் சூட்டிங் வெளிநாடுகளில் படமாக்க படக்குழு திட்டமிட்டு அதற்காக சென்ற ஆண்டு பல நாடுகளுக்கு லொகேஷன் பார்க்க சென்றார்கள். ஆனால், தற்போது இந்த படம் முழுக்க முழுக்க இந்தியாவில் படமாக்கப்பட உள்ளதாம். இதற்கு காரணம் உலகநாயகன் கமல்ஹாசன் அரசியல் கட்சி ஆரம்பித்து அதில் பிசியாக இருப்பதாலும், பிக்பாஸ் நிகழ்ச்சிக்கான ஷூட்டிங் வாரந்தோறும் சனி, ஞாயிறு கிழமைகளில் நடைபெறுவதால் அதற்கான நேரம் ஒதுக்க வேண்டிய காரணத்தாலும், கமல்ஹாசனால் இந்தியா முழுவதும்,ஏன் தமிழ் நாட்டிற்குள்ளேயே படப்பிடிப்பு நடத்த உலகநாயகன் தரப்பில் கூறியுள்ளார் என தெரிகிறது.
அதனால் பிக்பாஸ் ஷூட்டிங் நடைபெறும் ஈவிபி பிலிம் சிட்டி அருகில், பூந்தமல்லியில் உள்ள கோகுலம் ஸ்டூடியோவில் செட் போட்டு இந்தியன் -2 படமாக்கப்பட்டு வருகிறதாம். மேலும் தற்போது படக்குழு ராஜமுந்திரி செல்ல உள்ளதாம். அங்கு ஐந்து நாட்கள் ஷூட் செய்து, சனி, ஞாயிறு கிழமைகளில் மீண்டும் உலக நாயகன் கமலஹாசன் பிக்பாஸ் ஷூட்டிங்கிற்கு வந்து விடுவாராம்.
