கமல் இயக்கத்தில் உருவாகவுள்ள தலைவன் இருக்கின்றான் படத்தினை குறித்த தகவலை கூற இசைப்புயல் மற்றும் உலகநாயகன் இணைந்து நேரலையில் சந்திப்பதாக அறிவித்துள்ளனர்.

தமிழ் சினிமாவின் மூத்த நடிகர்களில் ஒருவர் உலகநாயகன் என்று ரசிகர்களால் அழைக்கப்படும் கமல்ஹாசன். தற்போது இவர் ஷங்கர் இயக்கத்தில் இந்தியன் 2 படத்தில் நடித்துள்ளார். இந்த படத்தை லைகா நிறுவனம் தயாரிக்கிறது. மேலும் கமல் ‘தலைவன் இருக்கின்றான் ‘ படத்தையும் இயக்கி நடிக்கவுள்ளதாக கூறப்பட்டது. இந்த படத்தை கமலின் ராஜ்கமல் பிலிம்ஸ் நிறுவனத்துடன் இணைந்து லைக்கா நிறுவனம் தயாரிக்கிறது. ஏ. ஆர். ரஹ்மான் இசையமைக்கும் இந்த படத்தில் வடிவேலு முக்கிய கதாபாத்திரத்தில் நடிக்கவுள்ளார். மேலும் இந்த படம் கமல் நடித்த தேவர் மகன் படத்தின் இரண்டாம் பாகம் என்றும் கூறப்படுகிறது. தேவர் மகன் படத்தில் நாசரின் மகன் கதாபாத்திரத்தில் விஜய் சேதுபதி நடிக்கவுள்ளதாக கூறியது ஏற்கனவே பார்த்தோம்.

மேலும் இந்த படத்தில் , கமலுக்கு ஜோடியாக ஆண்ட்ரியா மற்றும் பூஜா குமார் நடிக்கவுள்ளதாகவும் சில தகவல்கள் வெளியாகியிருந்தது. இந்த நிலையில் தற்போது அனைத்து கேள்விகளுக்கும் பதிலோடு தலைவன் இருக்கின்றான் படத்தினை குறித்து கூற வருகிற ஜீன் 11ஆம் தேதி 5 மணிக்கு உலகநாயகன் கமல்ஹாசன் மற்றும் இசைப்புயல் ஏ. ஆர். ரஹ்மான் இணைந்து லைவில் சந்திப்பதாக கூறியுள்ளனர். அதாவது இருவரும் சமூக வலைத்தளங்களில் ரசிகர்களிடம் உரையாடல் நடத்த இருப்பதாகவும், இதன் மூலம் தலைவன் இருக்கின்றான் படத்தினை குறித்த தகவலை தெரிந்து கொள்ளலாம் என்றும் தெரிவித்துள்ளனர்.இந்த தகவலை ஏ. ஆர். ரஹ்மான் தனது டுவிட்டர் பக்கத்தில் அறிவித்துள்ளார். தற்போது ரசிகர்கள் இந்த நாளை எதிர்பார்த்து காத்திருக்கின்றனர்.

 

I and @ikamalhaasan are coming together live on 11th June at 5 pm IST. @turmericmediaTM in association with @OpenPannaa
Moderated by @cinemapayyan#KnowMoreAboutTheLeader#ThalaivanIrukindraan pic.twitter.com/5zLsqR8Yjj

— A.R.Rahman (@arrahman) June 8, 2020