சென்னை ஐஐடியில் கேரளாவை சேர்ந்த பாத்திமா லத்தீப் என்ற மாணவி விடுதியில் தூக்கிட்டு தற்கொலை செய்து கொண்டார்.இந்த சம்பவம் தமிழகம் முழுவதும் பெரும் அதிர்வலைகளை ஏற்படுத்தி வருகிறது.இவரது தற்கொலையில் மர்மங்கள் இருப்பதாக அவரது பெற்றோர் குற்றம்சாட்டி வருகின்றனர்.
இதற்கு இடையில் 2006 -ஆம் ஆண்டு முதல் 14 மாணவர்கள் ஐஐடி-யில் தற்கொலை செய்துள்ளதால், அந்த வழக்குகளை சிபிஐ விசாரணைக்கு மாற்றக்கோரி கேரளாவின் லோக் தந்திரிக் ஜனதா தள கட்சியின் இளைஞரணி தேசிய தலைவரான சலீம் என்பவர் சென்னை உயர்நீதிமன்றத்தில் வழக்கு தொடர்ந்தார்.
இந்த இந்த வழக்கின் மீதான விசாரணையில் பாத்திமா தற்கொலை குறித்து சிபிசிஐடி விசாரணைக்கு ஏன் உத்தரவிடவில்லை என அரசுக்கு உயர்நீதிமன்றம் கேள்வி எழுப்பியது.பின்னர் இந்த வழக்கின் தீர்ப்பை தேதி குறிப்பிடாமல் ஒத்திவைப்பதாக உயர்நீதிமன்றம் அறிவித்துள்ளது.
