நாம் நமது அன்றாட வாழ்வில் பல வகையான உணவுகளை விரும்பி உண்ணுகின்றோம். அதில் சிக்கனை பொறுத்தவரையில், சிறியவர்கள் முதல் பெரியவர்கள் வரை அனைவருமே விரும்பி உண்பதுண்டு.
தற்போது இந்த பதிவில் சுவையான சிக்கன் சாப்ஸ் செய்வது எப்படி என்று பார்ப்போம்.
தேவையானவை
- சிக்கன் – அரை கிலோ
- பச்சை மிளகாய் – 15
- இஞ்சி – 3 துண்டுகள்
- முட்டை – 2
- வெங்காயம் – 1
- உப்பு – தேவையான அளவு
செய்முறை
முதலில் அரை கிலோ சிக்கனை நன்கு சுத்தம் செய்து துண்டுகளாக்கி வைத்துக் கொள்ள வேண்டும். பின்பு இஞ்சி, பச்சை மிளகாய், வெங்காயம் இவற்றை அரைத்து கொள்ள வேண்டும். அதன்பின் சிக்கன் துண்டுகளுடன் அரைத்த மசாலா, தேவையான உப்பு போட்டு பிசறி வைக்க வேண்டும்.
பின் பிரஷர் குக்கரில் 2 டம்ளர் நீர் ஊற்றி, அதன் மீது பிசறி வைத்துள்ள சிக்கன் உள்ள பாத்திரத்தை குக்கரில் வைத்து வெயிட் வைத்து மூடி ஒரு விசில் வந்தவுடன் இறக்க வேண்டும். பின்பு குக்கரை திறந்து சிக்கன் துண்டுகள் உள்ள பாத்திரத்தை வெளியே எடுக்க வேண்டும்.
அதன் பிற இரண்டு முட்டைகளை தேவையான அளவு உப்பு கலந்து நன்கு நுரைக்க அடித்துக் கொள்ள வேண்டும். பின் வாணலியில் எண்ணெய் ஊற்றி காய்ந்ததும் சிக்கன் துண்டுகளை ஒவ்வொன்றாக அடித்து வைத்துள்ள முட்டையில் நனைத்து எடுத்து எண்ணெயில் போட்டு பொறித்து எடுக்க வேண்டும். இப்பொது சுவையான சிக்கன் சாப்ஸ் தயார்.
