பிரபல தமிழ் நடிகரும் தயாரிப்பாளருமான பிரமிட் நடராஜன் தமிழக பாஜக கட்சியில் இணைந்துள்ளார்.
தமிழ் திரை உலகில் துள்ளுவதோ இளமை, சமுத்திரம், அலைபாயுதே உள்ளிட்ட பல வெற்றி படங்களில் குணசித்திர வேடத்தில் நடித்தவர் தான் பிரமிட் நடராஜன். இவர் பத்துக்கும் மேற்பட்ட படங்களை தயாரித்தும் இருக்கிறார். இந்நிலையில் இவர் தற்போது தமிழக பாஜக தலைவர் முருகன் அவர்கள் முன்னிலையில் பாஜக கட்சியில் இணைந்துள்ளார்.
இதுகுறித்து நடிகர் பிரமிட் நடராஜன் அவர்கள் கூறுகையில், பாஜகவில் இணைந்ததில் நான் எல்லையற்ற மகிழ்ச்சி அடைகிறேன். அதர்மம் எப்போதெல்லாம் தலை தூக்குகிறதோ, அப்போது தர்மம் கடவுள் ரூபத்தில் தலைகாக்கும் இப்போது அந்த கடவுள் மோடி ரூபத்தில் அதர்மத்தை அழிக்க வந்திருக்கிறார். என்னுடைய நல்ல பெயரையும் தொடர்புகளையும் பாஜகவுக்காக பயன்படுத்துவேன், ராமராக இருக்கும் பிரதமர் மோடிக்கு ஒரு அணிலாக என்னால் இயன்ற உதவியை செய்வேன் என இவர் கூறி கூறியுள்ளார்.
