நடிகை நயன்தாரா நடிப்பில் தற்போது உருவாகி வரும் புதிய திரைப்படம் ‘கோலமாவு கோகிலா’. இப்படத்தில் நயன்தாரா போதை மருந்து கடத்தும் பெண்ணாக நடிக்கிறார் என அனிருத் அளித்திருந்த பேட்டியில் கூறினார்.
மேலும் அனிருத் கூறுகையில், ’ஒரு பெண் தன் வறுமையைப் போக்க போதை மருந்துக் கடத்தல் மேற்கொண்டு வாழலாம் என்று முடிவு செய்கிறாள், இதை தொடந்து என்ன ஆகிறது என்பதுதான் கதை. இப்படத்தினை இயக்குனர் நெல்சன், பிளாக் ஹியூமர் என்னும் ஜானரில் காமெடி கலந்த கமர்ஷியல் படமாக இயக்கியுள்ளார்.
இந்நிலையில் இப்படத்தின் இசையமைப்பாளரான அனிருத் நடிகை நயந்தாரா குறித்து சில விஷயங்களை பகிர்ந்துள்ளார், அதில் நயனதாரா தன்னுடைய நெருக்கமான தோழி என குறிப்பிட்டுள்ளார், தனக்கு அவ்வபோது சமைத்து விருந்து அளிக்கும் அவருக்கு என் இசை பிடிக்கும் என்றூம் தெரிவித்துள்ளார்.
நயன்தாராவின் வாழ்க்கையில் அவ்வளவு ஏற்ற இறக்கங்கள் இருப்பினும் இன்னும் முன்னணி கதாநாயகியாகவே இருக்கிறார் என்பது பாராட்டப்பட வேண்டிய விஷயம்’ என்றும் சொல்லியிருக்கும் அனிருத் விரைவில் மீண்டும் தனுஷுடன் இணைந்து ஒரு படத்தில் பனியாற்றவுள்ளார். ஜனவரி மாதம் துவங்கும் இத்திரைப்படம் குறித்த இதர தகவல் விரைவில் வெளியாகும் என எதிர்பார்க்கப்படுகிறது
