பாகுபலி படத்தில் பாடல் மற்றும் சில காட்சியில் தனது முகத்தை மார்பிங் செய்து பதிவிடப்பட்ட வீடியோவை அமெரிக்க அதிபர் டொனால்டு ரிட்வீட் செய்து உள்ளார்.

அமெரிக்க அதிபர் டொனால்டு ட்ரம்ப் இந்தியா வருவதை ஒட்டி, சோல் மீம்ஸ் என்கிற ட்விட்டர் பக்கத்தில் வீடியோ ஒன்று பதிவிடப்பட்டு இருந்தது. அந்த வீடியோவில் பாகுபலி படத்தில் வருகின்ற காட்சியில் நடிகர் பிரபாஸின் முகத்திற்கு பதிலாக ட்ரம்பின் முகம் மார்பிங் செய்யப்பட்டு இருந்தது. இதுமட்டுமல்லாமல் அவரது மனைவி மெலானியா, மகள் இவாங்கா ஆகியோரின் முகங்களும் ஆங்காங்கே மார்பிங் செய்யப்பட்டு பதிவிடப்பட்டிருந்தது.

Look so forward to being with my great friends in INDIA! https://t.co/1jdk3AW6fG

— Donald J. Trump (@realDonaldTrump) February 22, 2020

இந்நிலையில் இந்த வீடியோ வைரலான நிலையில் வீடியோ அதிபர் ட்ரம்பின் கவனத்துக்கும் சென்று உள்ளது. உடனே அதனை ரீட்வீட் செய்து தனது ட்விட்டர் பக்கத்தில் பகிர்ந்துள்ளார். தனது ட்விட்டர் பக்கத்தில் வீடியோவை பதிவிட்ட ட்ரம்ப், இந்தியாவில் தனது சிறந்த நண்பர்களுடன் நேரம் செலவிடுவதை எதிர்நோக்கி காத்திருப்பதாக அதில் தெரிவித்துள்ளார்.