இயக்குனர் பாரதிராஜா தமிழ் சினிமாவின் பிரபலமான இயக்குனர். இவர் பல படங்களில் நடித்துள்ளார். இவர் தேனி மாவட்டத்தில், 1941-ம் ஆண்டு ஜூலை 17ம் தேதி பிறந்தார். இவரது இயற்பெயர் சின்னசாமி. இவரது நண்பர் எஸ்.பி.பாலசுப்பிரமணியம் மூலம் திரையுலகில் இவர் அறிமுகமானார்.
இவர் பிரபல கன்னட இயக்குனரான பி.புல்லையாவிடம் உதவியாளராக பணிபுரிந்து, சினிமா நுணுக்கங்களை கற்றுக் கொண்டார். இவரது இயக்கத்தில் முதன்முதலாக வெளியான திரைப்படம் ’16 வயதினிலே’. இந்த படம் 1977-ம் ஆண்டு வெளியாகி மக்கள் மத்தியில் நல்ல வரவேற்பை பெற்றது.
மேலும், இவர் பத்ம ஸ்ரீ விருது, மாநில விருதுகள், 6 முறை தேசிய விருதுகள் என பல விருதுகள் பெற்றுள்ளார். இவரது இயக்கத்தில் பல படங்கள் வெளியாகி, சாதனைகளை படைத்து வருகிறது. இயக்குனர் பாரதிராஜாவுக்கு தற்போது 78 வயது. இந்த வயதிலும், சினிமாத்துறையில் அயராது உழைக்கின்ற பிரபலமான இயக்குனர் என்றால், அவர் பாரதிராஜா தான்.
