மரியாதை குறைவாக அஜித்தை பேசியதால் மீராமிதுனை கேட்டு அஜித் ரசிகர்கள் கொந்தளிப்பு.
மீரா மிதுன், 8 தோட்டாக்கள் என்ற படத்தின் மூலம் தமிழ் சினிமாவில் அறிமுகமானார். அதனையடுத்து சந்துரு கேஆர் இயக்கத்தில் வெளியான போதை ஏறி புத்தி மாறி என்ற படத்திலும் நடித்தார். அதன் பின் விஜய் தொலைக்காட்சியில் ஒளிபரப்பாகி வந்த புகழ்பெற்ற பிக்பாஸ் நிகழ்ச்சியில் கலந்து கொண்டு பல சர்ச்சைகளுக்கு உள்ளானார் .
சூப்பர் மாடலான இவர் அடிக்கடி சர்ச்சையை ஏற்படுத்தும் ஒருவராவர். மேலும் தனது கவர்ச்சியான புகைப்படங்களையும், வீடியோக்களையும் சமூக வலைத்தளங்களில் வெளியிட்டு சர்ச்சைகளுக்கு உள்ளாவதே இவரது வழக்கம். சமீபத்தில் கூட அரசு சரியில்லை என்றும், சுகாதார துறை அமைச்சரை விமர்சனம் செய்தும் சர்ச்சைகளுக்கு உள்ளானார்.
இந்த நிலையில் தற்போது அஜித் பிறந்தநாளை முன்னிட்டு அவரது டுவிட்டர் பக்கத்தில் அவருக்கு வாழ்த்துக்களை கூறி இதுவரை யாரும் பார்த்திராத அஜித்துடன் இணைந்து நடித்த படத்திலுள்ள புகைப்படத்தை வெளியிட்டுள்ளார். ஆம், கௌதம் மேனன் இயக்கத்தில் அஜித் நடிப்பில் வெளியான என்னை அறிந்தால் படத்தில் ஒரு காட்சியில் நடித்துள்ளாராம் மீரா மிதுன். அதில் அவர் பிறந்தநாள் வாழ்த்துகள் அஜித் என்றும், நீங்கள் என்னை நினைவில் வைத்திருப்பீர்கள் என்று நம்புகிறேன்.
ஆம் எனது முதல் படம் அஜித் தவிர வேறு யாருடனும் இல்லை, ஆனால் எனது காட்சிகள் படத்திலிருந்து நீக்கப்பட்டது என்று பதிவிட்டிருந்தார். இதற்கு அஜித் ரசிகர்கள் பலரும் காண்டாகி கொந்தளித்து விட்டனர். அவரு எவ்வளவு பெரிய ஆளு, பெயரை சொல்லி கூப்பிட்டுற, அவர் என்ன உனக்கு தமிபியா, சார் என்று அழைத்து மரியாதை கொடுத்து பேசு என்றெல்லாம் கமென்ட் செய்து மீரா மிதுனை விளாசி வருகின்றனர். தற்போது அந்த புகைப்படம் சமூக வலைத்தளங்களில் மிகவும் வைரலாகி வருகிறது.
