கொரோன வைரஸ் காரணமாக மக்களின் ஆரோக்கியம் பெரிய அளவில் தாக்கத்தை ஏற்படுத்தியது மட்டுமல்லாமல், பொருளாதார சேதம் மற்றும் வணிகங்கள் தொடர்ந்து கணிசமாக பாதிக்கப்படுகின்றன. மேலும், பணப்புழக்கம் மற்றும் அதன் செயல்பாடுகளின் அளவும் குறைந்துள்ளது.

இந்த கொரோனா வைரஸ் காரணமாக நிச்சயமாக இந்திய பொருளாதாரத்தை பெருமளவில் பாதித்துள்ளது. சுகாதார உள்கட்டமைப்பு மற்றும் வசதிகள் போன்ற அத்தியாவசிய பொருட்களுக்கான தேவையை பூர்த்தி செய்வதில் அரசு கவனம் செலுத்துகிறது.

அதே நேரத்தில் கொரோனாவை கட்டுப்படுத்த மத்திய அரசு விதித்த ஊரடங்கு காரணமாக ஒட்டுமொத்த பொருளாதாரம் பாதிக்கப்பட்டுள்ள நிலையில், சில துறைகள் இது ஒரு வாய்ப்பாக மாற்றியுள்ளன. மேலும், கொரோனாவிற்கு பிறகு  கீழ்காணும் இந்த நான்கு துறைகள்  மகத்தான வளர்ச்சியைக் கண்டுள்ளன.

டிஜிட்டல் & இணையதளம்:

இந்த கொரோனா காலத்தில் மக்கள் வேலை, கல்வி மற்றும் பொழுதுபோக்குக்காக டிஜிட்டல் தளங்களை பயன்படுத்தத் தொடங்கியுள்ளனர். ஆன்லைன் தளங்கள் மூலம் வேலை காரணமாக நடைபெறும் கூட்டங்களுக்காக பிரபலமடைந்துள்ளன. வீடியோ கால் செயலிகளில் புதிய அம்சங்கள் வந்துள்ளன. இது தொழில் வல்லுநர்கள் வீட்டிலிருந்து வேலை செய்வதற்கு வசதியாக உள்ளது.

மேலும், பள்ளிகள் மற்றும் பல்கலைக்கழகங்களுக்கு ஆன்லைன் கல்வித் தொடங்க உதவுகிறது. ஊரடங்கு காரணமாக விளையாட்டு, இசை விழாக்கள், தியேட்டர்கள் செல்ல தடைசெய்யப்பட்டது. இதன் விளைவாக டிஜிட்டல் தளங்களில்  திரைப்படங்கள் மற்றும் நாடகங்களை காண தொடங்கி உள்ளனர். இந்த ஊரடங்கு காரணமாக, இந்தத் துறை முன்பைப் போலவே ஒரு ஏற்றம் கண்டுள்ளது.

உணவு துறை:

இந்த கடினமான நேரத்தில் இந்த துறை வளர்ச்சியைக் கண்டுள்ளது.  பொதுமக்கள் மத்தியில் ஆரோக்கியமான உணவு மற்றும் நோய் எதிர்ப்பு சக்தியை அதிகரிக்கும் தயாரிப்புகளின் தேவை அதிகரித்துள்ளதால், தயாரிப்பு பிரிவில் உள்ள நிறுவனங்கள் தயாரிப்புகளை விரிவுபடுத்தியுள்ளது.

இந்த நிறுவனங்கள் தற்போது உணவு மற்றும் சுகாதார வகைகளில் புதிய தயாரிப்புகளை அறிமுகப்படுத்துதல், கிராமப்புற பகுதிகளில் நேரடி விநியோகத்தை செய்தல், வீட்டுக்கு வீடு சேவைகள் போன்றவற்றை மையமாகக் கொண்டு தங்கள் வளர்ச்சி அதிகரித்துள்ளனர்.

முன்னணி பிராண்டுகளான டாபூர், பதஞ்சலி, ஜண்டு மற்றும் பிற ஆர்கானிக் பிராண்டுகள் சுகாதார உணவு பிரிவில் அதிக தயாரிப்புகள் மற்றும் வகைகளை அறிமுகப்படுத்தியுள்ளன. ஊரடங்கு மற்றும் சமூக இடைவெளி காரணமாக பொதுமக்கள் வெளியில் சாப்பிடுவதிலிருந்து வீட்டில் சமைத்த உணவுக்கு மாறி உள்ளனர்.

சிறப்பு கெமிக்கல்:

கொரோனா காலகட்டடத்தில் மக்களிடையே சுத்திகரிப்பு மற்றும் சுகாதாரத்திற்கான தேவை அதிகரித்துள்ளது. அந்த வகையில் கை சுத்திகரிப்பான் மற்றும் கிருமிநாசினிகள் ஆகியவற்றின் தேவையை அதிகரித்துள்ளது. இந்தியாவில் கொரோனா நெருக்கடிக்கு மத்தியில் இதுபோன்ற பொருட்களுக்கான தேவை அதிகரிக்கும் என்று நிறுவனங்கள் எதிர்பார்க்கும் நிலையில், வீட்டு சுத்தபடுத்தும் கிருமிநாசினிகள் மற்றும் தனிப்பட்ட சுகாதார பொருட்கள் ஆகிவையும் அதிகரித்துள்ளது.

இந்நிலையில், ITC லிமிடெட் மற்றும் CavinKare போன்ற நிறுவனங்கள் வீட்டு சுத்தபடுத்தும் கிருமிநாசினிகளை நீக்கிவிட்டு, அதற்கு பதிலாக ITC ஒரு Savlon-brand கிருமிநாசினியை அறிமுகப்படுத்தியது. மேலும், Marico Ltd ஒரு பழம் மற்றும் காய்கறி கழுவும் ‘Veggie Clean’ என்ற திரவத்தை தொடங்குவதாக அறிவித்தது.

மேலும், தொற்றுநோய் காரணமாக கிருமிநாசினிகள், மருந்துகள் மற்றும் மருந்துகளுக்கான தேவை அதிகரித்துள்ளது. இவை தயாரிக்க தேவையான ரசாயனங்களை உற்பத்தி செய்யும் நிறுவனங்களுக்கு ஒரு வாய்ப்பாக அமைந்துள்ளது. அந்த வகையில் கிருமிநாசினிகள், மருந்துகள் மற்றும் மருந்துகளுக்கான வாடிக்கையாளர்களின் தேவை அதிகரித்ததன் காரணமாக ரசாயனங்களைக் கையாளும் நிறுவனங்கள் தேவை அதிகரிக்கும் என்று எதிர்பார்க்கப்படுகிறது.

ஹெல்த் கேர்:

ஊரடங்கு காரணமாக சுகாதாரத்துறைகள் கடும் கஷ்டங்களை எதிர்கொண்டன. ஆனால் இந்தத்துறை கொரோனா நோய்க்குப் பின்னர் பெரும் முதலீட்டைக் காணும் ஒரு துறையாக உள்ளது. ஒரு தொற்றுநோயின் அச்சுறுத்தல் மிகவும் உண்மையானது என்பதை உலகம் இப்போது உணர்ந்து கொள்ளும். இந்த கொரோனா வைரஸில் இருந்து தங்களைக் காப்பாற்ற முன்னெச்சரிக்கை நடவடிக்கைகளை எடுக்க மக்களுக்கு  அறிவுறுத்தப்பட்டுள்ளது.

ஆக்ஸிமீட்டர்கள், தனிநபர் பாதுகாப்பு உபகரணங்கள் (பிபிஇ) கருவிகள் மற்றும் முகமூடிகள் போன்ற சில மருத்துவ சாதனங்களுக்கான தேவை அதிகரித்துள்ளது. ஏனெனில் சுய பாதுகாப்பு மற்றும் தனிமைப்படுத்தலின் கீழ் லேசான அறிகுறிகளைக் கொண்ட பாதிக்கப்பட்ட நோயாளிகளுக்கு சுய கண்காணிப்புக்கு இந்த அடிப்படை சாதனங்கள் தேவைப்படுகின்றன.

புதிய பிராண்டுகள் சானிடைசர் மற்றும் கிருமிநாசினி கிளீனர்கள் போன்ற அத்தியாவசிய பொருட்களுடன் வருகின்றன. முன்பு இல்லாததைப் போன்ற ஒன்றை உலகம் கண்டிருக்கிறது. வணிகத்தையும், பொருளாதாரத்தையும் மீண்டும் பாதையில் கொண்டு செல்வதற்காக, இந்த கொரோனா காலத்தை ஒரு வாய்ப்பாக எடுத்துக் கொண்டு நிறுவனங்கள் முன்னேறி வருகின்றன.