முதல் இரண்டரை மணி நேரத்தில் 4 லட்சம் டிக்கெட்டுகள் முன்பதிவு.
இந்தியா முழுவதும் கொரோனா வைரஸ் தீவிரமாக பரவி வருகிற நிலையில், இதனை கட்டுப்படுத்த இந்திய அரசு பல முன்னெச்சரிக்கை நடவடிக்கைகளை மேற்கொண்டு வருகிறது. அந்த வகையில், மே-31ம் தேதி வரை ஊரடங்கு உத்தரவு பிறப்பிக்கப்பட்டுள்ளது.
இந்நிலையில், தற்போது 4-ஆம் கட்டமாக ஊரடங்கு உத்தரவு பிறப்பிக்கப்பட்டுள்ள நிலையில், சில தளர்வுகளை அறிவித்துள்ளது. இதனையடுத்து, கொரோனா ஊரடங்கிற்கு பின் நாடு முழுவதும், ஜூன்-1ம் தேதி முதல் 200 ரயில்கள் இயக்கப்படும் என ரயில்வே அமைச்சர் அறிவித்திருந்த நிலையில், அதற்கான கால அட்டவணை வெளியிடப்பட்டு, முன்பதிவு இன்று தொடங்கியது.
அதன்படி முதல் இரண்டரை மணி நேரத்திற்குள் கிட்டத்தட்ட 4 லட்சம் டிக்கெட்டுகள் முன்பதிவு செய்யப்பட்டதாக அதிகாரிகள் தெரிவித்துள்ளனர்.
