முன்னாள் பிரதமர் வாஜ்பாய் உடல் நிலை குறிப்பிடத்தக்க அளவில் முன்னேற்றம் கண்டுள்ளதாக எய்ம்ஸ் மருத்துவமனை தெரிவித்துள்ளது.
கடந்த 48 மணி நேரத்தில் உடல்நிலை முன்னேறி இருப்பதாகவும், அவரது சிறுநீரகங்கள் இயல்பாகச் செயல்படத் தொடங்கியுள்ளதாகவும் டெல்லி எய்ம்ஸ் மருத்துவமனை தரப்பில் விளக்கம் அளிக்கப்பட்டுள்ளது.
அவரின் இதயத் துடிப்பு, சுவாசம், ரத்தம் அழுத்தம் உள்ளிட்டவை வழக்கமான நிலையில் உள்ளதாகவும் எவ்வித உதவிக் கருவிகளும் இன்றி அனைத்தும் சரியாக இயங்குவதாகவும் எய்ம்ஸ் மருத்துவமனை குறிப்பிட்டுள்ளது.
அடுத்த சில தினங்களில் அவர் முழுமையாக குணமடைவார் என்று நம்பிக்கை தெரிவித்துள்ள மருத்துவமனை, ஒட்டுமொத்தமாக அவர் நல்ல உடல் நலனுடன் இருப்பதாக விளக்கமளித்துள்ளது.
