இந்திய கிரிக்கெட் அணியின் கேப்டன் விராட் கோலி. இவர் தற்போது பெங்களூருவில் அடுத்த தொடருக்கான பயிற்சியில் ஈடுபட்டு வருகிறார்.
கிரிக்கெட்டில் எப்போதும் பிசியாக இருக்கும் விராட் கோலி, பாலிவுட் நடிகை அனுஷ்கா சர்மாவை திருமணம் செய்து கொண்டார். இருவரும் அவர்களின் துறையில் பிசியாக இருந்த போதும், தங்களின் வாழ்க்கைகாகவும் நேரம் செலவிட தவறுவதில்லை.
இந்நிலையில் இந்திய கேப்டன் விராட் கோலி, தனது இன்ஸ்டாகிராம் பக்கத்தில் வீடியோ ஒன்றை வெளியிட்டுள்ளார். அதில் கோலி தனது மனைவி அனுஷ்கா சர்மாவுடன் உடற்பயிற்சி செய்கிறார். அந்த வீடியோவில், என்னைவிட அனுஷ்கா நன்றாக உடற்பயிற்சி செய்வார் என கூறியுள்ளார். மேலும் இருவரும் இணைந்து உடற்பயிற்சி செய்வது மிகச்சிறப்பானது, என குறிப்பிட்டுள்ளார். இந்த வீடியோவை கோலி மற்றும் அனுஷ்காவின் ரசிகர்கள் வைரலாக்கி வருகின்றனர்.
